Ölkə

MTK-ların yığdığı "komendant pulu" hara xərclənir?

27 May 2024 08:00

Baxış: 1 007

VTB-də minimal faiz dərəcəsi ilə nağd kredit 9.9%-dən

#MANAT #MƏNZİL #PUL

Çoxmərtəbəli binalarda sakinlərdən yığılan "komendant pulu", yaxud "jek pulu"nun məbləği ilə xidmətin keyfiyyəti arasında tərs mütənasibliyin olduğu deyilir.

Bakı sakinləri bildiriblər ki, mənzildə yaşayıb-yaşamamağından asılı olmayaraq, müəyyən olunan məbləğin ödənilməsi tələb edilir. Lakin çox zaman Mənzil Tikinti Kooperativləri (MTK) işçiləri tərəfindən yığılan pullarla göstərilən xidmətlər tərs mütənasiblik təşkil edir. Yəni yığılan pulun məbləği yüksək, xidmətin keyfiyyəti isə aşağıdır.

Bəs binalarda 15-80 manat aralığında yığılan pullar hara xərclənir, yaxud bina sakinlərinin belə bir öhdəliyi varmı?

Milli.Az-ın məlumatına görə, əmlak məsələləri üzrə ekspert Mülkədar Rüstəmov Xəzər TV-yə bildirib ki, qanunla bu proses bir qədər fərqlidir. Mütəxəssisin fikrincə, hazırda MTK-lar hüquqi boşluqlardan istifadə edib vətəndaşlardan xeyir güdmək üçün çalışırlar. Onun sözlərinə görə, ödənişlər nağdsız olarsa, bununla da MTK-lara nəzarət asanlaşacaq.

Qeyd edək ki, təkcə Bakı və Abşeron ərazisində 2000-dən artıq yeni tikilmiş çoxmənzilli yaşayış binası vətəndaşların istifadəsinə verilib. Hətta bu binalarda ödənişin nağdsız formada həyata keçirilməsi ilə bağlı xeyli müzakirələr də aparılıb.

Milli.Az
Xəbərlərimizi WhatsApp kanalımızdan da oxuyun