Ölkə

Tərtərdə minaya düşən şəxslərdən birinin ayaqları amputasiya edildi - YENİLƏNİB

2 Aprel 2024 17:48

Baxış: 1 279

#ANAMA #MİNA

Tərtərdə mina partlayışı nəticəsində xəsarət alan 3 nəfərdən birinin hər iki ayağı amputasiya edilib.

Bu barədə Trend-in Qarabağ bürosuna Tərtər Rayon Mərkəzi Xəsdəxanasının cərrah-həkimi Mübariz Mahmudov bildirib.

"Onlardan İsmayılov Polad Alış oğlu, Tağızadə Arzuman Əhliman oğlu, Bağırov Elmin Elnur oğlu. Tağızadə Arzuman və Bağırov Elmin Bərdə rayon mərkəzi xəsdəxanasına göndərilib. Onlardan birinin hər iki ayağının travmatik amputasiyası, Arzumanın isə sağ bazu sümüyünün sınığıynan göndərilib. Tərtər rayon cərrahiyyə şöbəsində isə İsmayılov Polad üzün, sağ döş qəfəsinin, sağ yuxarı ətrafın çox saylı qəlpə yarası diaqnozu ilə müalicəyə cəlb olunub", - cərrah-həkim qeyd edib.

-------

16:37

2024-cü il 2 aprel tarixində Tərtər rayonunun Çaylı kəndi ərazisində mina hadisəsi baş verib.

Milli.Az xəbər verir ki, bu barədə Azərbaycan Respublikası Daxili İşlər Nazirliyi, Baş Prokurorluğu və Minatəmizləmə Agentliyinin (ANAMA) mətbuat Xidmətinin məlumatında bildirilib.

1969-cu il təvəllüdlü İsmayılov Polad Alış oğlu, 1992-ci il təvəllüdlü Tağızadə Arzuman Əhliman oğlu və 2006-cı il təvəllüdlü Bağırov Elmir Elnur oğlu keçmiş təmas xəttində, minalardan təmizlənməmiş ərazidə heyvan otararkən baş verən mina partlayışı nəticəsində xəsarət alıb.

Faktla bağlı Tərtər rayon prokurorluğunda araşdırma aparılır.

AR DİN, Baş Prokurorluq və ANAMA bir daha vətəndaşları təhlükəsizlik qaydalarına riayət etməyə, bələd olmadıqları ərazilərə daxil olmamağa və təhlükə bildirən bütün əlamətlərə diqqətlə yanaşmağa çağırır!

Milli.Az
Xəbərlərimizi WhatsApp kanalımızdan da oxuyun