Ölkə

Qanunvericilikdə hansı formada avtomobili "tuninq" etmək olar? - VİDEO

31 Mart 2024 06:23

Baxış: 1 107

VTB-də minimal faiz dərəcəsi ilə nağd kredit 9.9%-dən

#VİDEO #NƏQLİYYAT #AVTOMOBİL #YOL POLİSİ

Son vaxtlar avtomobillərini tuninq edənlərin sayı artıb.

Milli.Az Xəzər TV-yə istinadən bildirir ki, bəzi hallarda bu məsələyə görə, sürücülər ilə yol polisləri arasında mübahisələr yaşanır.

Bəs görəsən qanunvericilik, avtomobil detallarının hansı formada dəyişdirilməsinə icazə verir?

Məsələni araşdırmaq üçün əvvəlcə üz tutduq paytaxtda yerləşən təmir sexlərindən birinə...

Usta Emin Cabbarov deyir ki, nəqliyyat vasitələrinə öz modelinin yeni istehsal edilmiş və ya fərqli formalı detalını quraşdırırlar. Burada əsas olan müəyyən normativlərin gözlənilməsidir.

Emin Cabbarovun sözlərinə görə, əgər avtomobil geniş anlamda tuning edilirsə bu zaman mühərrik və salonda müəyyən dəyişikliklər aparılır.

Baş Dövlət Yol Polisi İdarəsinin rəsmisi Mübariz Ağayev hesab edir ki, istismarda olan bütün nəqliyyat vasitələri normativ texniki tələblərə cavab verməlidir. Bəzən edilən konstruksiya dəyişiklikləri baş verən yol qəzaları zamanı qəzanın ağırlıq dərəcəsinin artmasına səbəb olur.

Mübariz Ağayev onu da bildirib ki, nəqliyyat vasitələrində normativ tələblər pozulmaqla avadanlıq quraşdırılması və ya dəyişdirildikə, həmin pozuntuları yerində aradan qaldırmaq mümkün olmadıqda fiziki şəxslər nəqliyyat vasitəsini idarə etmədən kənarlaşdırılırlar.

Mövzu ilə bağlı daha ətraflı videomaterialı təqdim edirik:

Milli.Az

Xəbərlərimizi WhatsApp kanalımızdan da oxuyun