Ölkə

Bakı şəhəri 6 nömrəli məktəb-liseydə Model BMT konftansı keçirilir - FOTO

10 Fevral 2024 16:02

Baxış: 454

10 fevral tarixində Bakı şəhəri 6 nömrəli məktəb-liseydə Model BMT konftansının açılış mərasimi keçirilib.

2 gün ərzində davam edəcək konfrans Azərbaycan Respublikasının Dövlət Himninin səsləndirilməsi ilə açıq elan olunub.

Ənənəvi olaraq keçirilən və DP-CAS beynəlxalq bakalavriat proqramının tələbələri tərəfindən keçirilən konfransda müxtəlif yerli və beynəlxalq məktəblərdən 150-dən çox şagird iştirak edir.

Konfrans iştirakçıları BMT-nin iş mexanizmləri və onun fəaliyyəti, beynəlxalq problemlərin həllinə töhfə verilməsi üsulları və danışıqlar prosesi haqqında daha çox məlumat əldə etmək imkanı qazanmaqla yanaşı, diplomatiya sahəsində öz bilik və bacarıqlarını inkişaf etdirirlər.

Tədbirin açılış sessiyasında qonaq qismində Azərbaycan Respublikasının Xarici İşlər Nazirliyinin mətbuat xidmətinin rəhbəri cənab Ayxan Hacızadə, Monteneqronun Azərbaycan Respublikasındakı Diplomatik Ofisinin rəhbəri xanım Milika Buriç, Elm və Təhsil Nazirliyinin Təhsildə Keyfiyyət Təminatı Agentliyinin İdarə Heyətinin sədri Tural Əhmədov konfransda çıxış etmişlər.

Qonaqlar tələbələrlə öz təcrübə və tövsiyələrini paylaşaraq onlara təhsildə uğurlar arzu etmişlər.