Ölkə

Qəbələ insidenti: Nazirin qovduğu polis kimdir? - TƏFƏRRÜAT

4 Dekabr 2023 13:38
Baxış: 3 133
VTB-də minimal faiz dərəcəsi ilə nağd kredit 9.9%-dən
#QƏBƏLƏ

Qəbələdə polisə qarşı müqavimət göstərən şəxslərin həbsi, o cümlədən yeniyetməyə zor tətbiq edən polisin daxili işlər orqanlarından xaric edilməsi ilə bağlı insidentin bəzi təfərrüatı ortaya çıxıb.

Milli.Az xəbər verir ki, daxili işlər orqanlarında xaric edilən şəxs Qəbələ Rayon Polis Şöbəsinin Post Patrul Xidmətinin (PPX) əməkdaşı polis serjantı Cavid Abbasovdur.

Bildirilib ki, hadisə baş verən gün - dekabrın 2-də Vəndam qəsəbəsində yerləşən restoranlardan birində 12 yaşlı uşağın (D.A. - red.) doğum günü qeyd olunurmuş. Orada səs-küy olması səbəbindən əraziyə PPX əməkdaşları gəlib və tədbirin daha sakit keçirilməsini tapşırıb.

Bu isə məclis sahiblərinin narazılığına səbəb olub və ad günü olan uşağın atası Səxavət Ağayev və əmisi Eldəniz Ağayevlə polis əməkdaşları arasında mübahisə yaranıb. Polis Səxavət və Eldəniz Ağayevləri polis şöbəsinə aparmaq üçün PPX avtomobilinə otuzdurub.

Bu zaman 12 yaşlı uşaq polis əməkdaşını ağır sözlərlə təhqir edərək onlara daş atıb. Polis serjantı Cavid Abbasov isə əsəblərinə hakim ola bilməyib və vəzifə səlahiyyətlərini aşaraq, yetkinlik yaşına çatmayan şəxsi yerə yıxaraq döyüb.

Baş verən insidentlə bağlı sosial şəbəkələrdə görüntülər də yayılıb.

Qeyd edək ki, Daxili İşlər Naziriliyinin mətbuat xidmətinin yaydığı məlumata görə, fakta görə cinayət işi qaldırılıb və iki nəfər (Səxavət və Eldəniz Ağayevlər - red.) həbs edilib.

Eyni zamanda yetkinlik yaşına çatmayan şəxsə qarşı səlahiyyət həddini aşan polis əməkdaşı barəsində xidməti yoxlama aparılıb və o, daxili işlər orqanlarından xaric edilib.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.