Ölkə

Bu məhsul bahalaşdı - VİDEO

11 Noyabr 2023 00:09

Baxış: 2 976

VTB-də minimal faiz dərəcəsi ilə nağd kredit 9.9%-dən

#VİDEO #ƏRZAQ

Son günlər paytaxtda və bölgələrdə kənd yumurtasının qiymətində artım müşahidə olunur.

Bir müddət əvvəl 25 qəpiyə satılan yumurta indi 35-40 qəpiyə təkif olunur.

Milli.Az-ın Xezerxeber-ə istinadən məlumatına görə, son günlər bölgələrdə kənd yumurtasının qiyməti 10-15 qəpik artıb.

Satıcılar deyir ki, qiymətin artması mövsümi xarakter daşıyır. Payız-qış aylarında sözügedən məhsulun azalması müşahidə olunur.

Yevlax və Ağdaş rayonlarından Mingəçevir bazarına çıxarılan yumurta hazırda 30-35, hətta bəzən 40 qəpiyə də təklif edilir.

Mingəçevir bazarında əvvəlki günlərlə müqayisədə kənd yumurtasının qiymətində 10-15 qəpik artım müşahidə edilir. Kənddən yumurta gətirib satanlar da alıcıların azaldığını deyirlər.

Bu hal Sabirabad bazarında da müşahidə olunur. Kəndlərdən gətirilən yumurtanın bahalaşmasına əsasən payız aylarında toyuqların az yumurta verməsi səbəb göstərilir.

Sakinlər bildirir ki, hazırkı fəsildə ev quşları tük dəyişmə edir və bu səbəbdən yumurta az olur.

Satıcılar qiymət artımı ilə əlaqədar olaraq, alıcı kütləsinin də azaldığını bildiriblər.

Onlar bildirib ki, cari ilin sonu, yeni ilin əvvəli kənd yumurtasının qiyməti tədricən enməyə başlayır. Bunun da səbəbi məhsul qıtlığının aradan qalxmasıdır.

Mövzu ilə bağlı daha ətraflı videomaterialı təqdim edirik:

Milli.Az