Ölkə

Füsunkar təbiətin suya qovuşduğu yerdən FOTOREPORTAJ - VİDEO

21 Oktyabr 2023 11:39

Baxış: 1 910

VTB-də minimal faiz dərəcəsi ilə nağd kredit 9.9%-dən

#VİDEO #TƏRTƏR

Tərtər rayonunun Suqovuşan qəsəbəsi Qarabağın ən gözəl guşələrindəndir. Əhatəsindəki dağlar, Tərtərçayı və su anbarı buraya xüsusi gözəllik verir.

Burada artıq Turizm İnformasiya Bürosu inşa olunub, sahilboyu park salınıb, oturacaqlar, söhbətgahlar quraşdırılıb, ictimai iaşə obyekti yaradılıb, avtodayanacaq tikilib.

Ərazinin dağ iqlimi, füsunkar, gözəl təbiət mənzərələri, tarixi abidələri, su anbarı, eləcə də, Tərtər və Naftalandan qəsəbəyə gələn avtomobil yollarının yenidən qurulması Suqovuşanın tezliklə turizm məkanı kimi şöhrət qazanacağını şərtləndirir.

Xatırladaq ki, Tərtər rayonunun Suqovuşan qəsəbəsi 2020-ci ilin oktyabr ayının 3-də erməni işğalından azad olunub.

Qeyd edək ki, yol infrastrukturunun yenidən qurulması, Suqovuşanda turizm obyektlərinin tikilməsi bu coğrafiyada əlavə biznes sahələrinin yaradılmasına da öz müsbət təsirini göstərəcək, sahibkarların investisiya yatırması üçün əlverişli şərait yaradacaq.

Milli.Az Trend-in əməkdaşının Suqovuşandan hazırladığı fotoreportajı təqdim edir:

Milli.Az