Ölkə

Şin kəndində meyvə ağacları odun əvəzi yandırılır - Səbəb qaz problemidir - VİDEO

9 İyul 2023 11:04

Baxış: 905

VTB-də minimal faiz dərəcəsi ilə nağd kredit 10.49%-dən

#VİDEO

Şəkinin Şin kəndinin sakinləri qaz problemindən əziyyət çəkirlər.

Milli.Az Xəzər TV-yə istinadən xəbər verir ki, Şin kəndində 270-dən çox ailə yaşayır.

Kəndin başlanğıcına qədər gətirilən magistral qaz xəttindən qonşu Baş Laysqı, Baş Gönük kəndlərinə xətt çəkilsə də, uzun illərdir Şin kənd sakinlərinə qaz çəkilmir.

Kəndi əhatə edən dağ sıldırımlı olduğu üçün ilboyu odun işlətməyə məcbur olan insanlara bir maşın odun 500-600 manata başa gəlir.

İllərdir qazsızlıqdan əziyyət çəkən sakinlər əlacsız qalıb. Vəziyyətdən çıxış yolu kimi kənd sakinləri həyətyanı sahələrində olan meyvə ağaclarını qırıb yandırırlar.

Problemlə bağlı "Azərqaz" İstehsalat Birliyindən sorğumuza cavab olaraq bildirildi ki, Şəki şəhərinin yeni yaşayış massivi və Şin kəndinə qaz çəkilişi gündəmdədir. Növbəti mərhələdə bu kəndə qaz çəkilişi qurumun gündəliyindədir. Ümumilikdə isə Şəkinin 92 faizindən çox hissəsində qazlaşma həyata keçirilib.

Mövzu ilə bağlı daha ətraflı videomaterialı təqdim edirik:

Milli.Az