Ölkə

Azərbaycan Müəllim İnkişaf Mərkəzi və Cambridge Asessment English CELTA kursuna start verdi

5 İyul 2022 12:35

Baxış: 2 048

VTB-də minimal faiz dərəcəsi ilə nağd kredit 9.9%-dən

Azərbaycan Müəllim İnkişafı Mərkəzinin Cambridge Asessment English ilə (Kembricin İngilis dili üzrə Qiymətləndirməsi) birgə təşkil etdiyi ilk postpandemiya CELTA kursuna start verildi.

AMİM cari ilin 4-29 iyul tarixləri arasında postpandemiya dövründə keçiriləcək ilk kursda ingilis dili müəllimləri və müəllim olmağı istəyən şəxslər Azərbaycandan kənara getmədən bu kimi yüksək səviyyəli sertifikasiya proqramında iştirak etmək imkanı əldə edəcəklər. Təlim proqramı Cambridge Asessment English ixtisaslaşmış mütəxəssisləri Qari Nikson və Qerald Baqqe tərəfindən keçiriləcəkdir.

CELTA müəllimlərə yetkin şəxslərə İngilis dili öyrədə bilmək üçün lazımi bacarıq, bilik və təcrübə verir. CELTA Cambridge English-də özünəməxsus statusa malik, dünya miqyasında istənilən və işə götürənlər tərəfindən tələb olunan bir meyardır.

CELTA proqramı müəllimləri öyrənənləri və öyrədənləri anlamada yönləndirən və tədris və öyrənmə kontekstini rəhbər tutan; dil təhlili və məlumatlandırılması; dil bilikləri: dinləmə, danışma və yazma; müxtəlif tədris kontekstləri üçün planlaşdırma və resurslar, tədrisdə bacarıq və peşəkarlığı inkişaf etdirən 120 saatlıq təlim kursudur.

Gələcəkdə CELTA təlim proqramına qoşulmaq istəyən müəllimlər daha ətraflı məlumat üçün Azərbaycan Müəllim İnkişafı Mərkəzinə e-mail - [email protected] və ya 012 599 1967 və 050 290 1695 nömrələrinə zəng etməklə əlaqə saxlaya bilərlər.