Ölkə

İşığı kəsilən şəxs “Azərişıq” əməkdaşının maşınını yandırdı - FOTO - YENİLƏNİB

9 Dekabr 2021 16:02
9 Şərh     Baxış: 8 792

16:02

"Azərişıq" ASC-nin Cənub Regional Enerji Təchizatı və Satışı İdarəsində (RETSİ) baş verən hadisə ilə bağlı bildiririk ki, Lənkəran şəhər sakini Əliyev Sabir bu gün səhər saat 08.05 radələrində idarə binasının yaxınlığına gələrək "Azərişıq" əməkdaşı, nəzarətçi-mühəndis Kərimov Raufa məxsus LADA (VAZ) 2115 markalı, 42 BO 756 dövlət nömrə nişanlı avtomobili yandırıb. Hadisəni törədən şəxs hüquq-mühafizə orqanları tərəfindən saxlanılıb.

ASC-dən verilən məlumata görə, hadisəni törədən Lənkəran şəhər sakini Əliyev Sabirə məxsus dülgər sexində hələ 2020-ci ilin aprel ayında sayğaca baxış keçirilən zaman kənar xətdən istifadə (oğurluq) etdiyi aşkarlanıb və ona nəzarətçi-mühəndis Kərimov Rauf tərəfindən akt yazılıb. Daha sonra "Azərişıq" ASC əməkdaşı həmin abonent tərəfindən fiziki təzyiqə məruz qalıb. Həmin şəxsin bu əməli ilə bağlı hələ o vaxt yerli polis orqanına müraciət edilib. Sonradan məhkəmə zamanı tərəflər arasında barışıq elan olunub.

Onuda qeyd edək ki, yanğın zamanı əməkdaşımız Rauf Kərimova məxsus avtomobil, həmçinin özünə və ailəsinə aid sənədlər tamamilə yanıb. Əməkdaşımız özü isə ikinci dərəcəli yanıq xəsarəti alıb və dərhal həkimə çatdırılıb.

Hadisənin araşdırılıb ciddi tədbir görülməsi ilə bağlı "Azərişıq" ASC tərəfindən hüquq mühafizə orqanlarına müraciət edilib.

-------

10:03

Lənkəran şəhərində vətəndaş onun işığını kəsən "Azərişığ"ın əməkdaşının maşınını yandırıb.

Milli.Az "Qafqazinfo"ya istinadən bildirir ki, şəhər sakini Sabir Əliyev evinə qanunsuz əlavə elektrik xətti çəkib. "Azərişıq" əməkdaşı Rauf Kərimov da həmin xətti kəsərək bununla bağlı akt tərtib edib.

Sabir Əliyev bundan əsəbiləşərək Rauf Kərimova məxsus, "Ləvəngi dairəsi" adlanan ərazidə saxladığı "VAZ 21015" markalı avtomobilin üzərinə benzin tökərək yandırıb. Hadisə yerinə cəlb olunan yanğınsöndürənlər maşını söndürüblər.

DİN Mətbuat xidmətinin Lənkəran regional qrupunun baş inspektoru Məhəmməd Rzayev "Qafqazinfo"ya açıqlamasında bildirib ki, faktla bağlı Lənkəran Şəhər Polis Şöbəsində araşdırma aparılır: "Araşdırmanın nəticəsindən asılı olaraq məsələyə hüquqi qiymət veriləcək".

Milli.Az 

Məqaləyə dair fotomateriallar:

35 000 AZN-dək krediti ONLAYN sifariş et!

Şərh yaz:

9 Şərh:

  • Anonim
    Tehran · 9 Dekabr 2021 10:4190

    Işqi ebile baha edibler insanlar pulu odeye bilmir

    Cavab yaz
  • Anonim
    Moris · 9 Dekabr 2021 11:1180

    A kişi niyə yalan yazırsız.adamin borcuna görə işığı kəsiblər.buda hirslənib ki ilin günün bu vaxtı adamın işığın kəsərlər? Bəsdirin də yalan yazıb camaatı aldadirsiz

    Cavab yaz
  • Anonim
    Meto hüquqşünas · 9 Dekabr 2021 13:1780

    Düz edib, insanları boğaza yığmasınlar.

    Cavab yaz
    • Anonim
      Düz edilməyib, · 10 Dekabr 2021 10:0010

      Vətəndaşların səhhətinə və əmlakına zərər vurmaq olmaz. Ola bilər, kiçık məmura davranış qaydalarını öyrədib işə qəbul etməyiblər. Hər halda Azərişıq və tariflərlə bağlı cavabdehlik daşıyan təşkilat, yandırılmış maşının öz hesablarına bərpa edilməsində maraqlı olmalıdırlar.

      Cavab yaz
  • Anonim
    TELMAN · 9 Dekabr 2021 16:3230

    Sayğaclar ayda bir dəfə yazılmalıdı.Amma noyabr ayının sayğacı dekabr ayının 9 da yzılıb,yeni 39 gü n keçəndən sonra.Qəsdən 300kvt limiti kecirmək üçün edirlər.

    Cavab yaz
  • Anonim
    Cansu kerimli · 9 Dekabr 2021 16:3330

    Əceb edib yandirib mence .işqi bebile baha edibler insanlar oduye bilmir .işciler de insanlarla kobud danisirlar

    Cavab yaz
  • Anonim
    miris · 9 Dekabr 2021 19:0910

    Ne gunlere qaldiq.

    Cavab yaz
  • Anonim
    Tahir · 10 Dekabr 2021 08:0200

    Bular calisilar insanlari qirsinlar bu qeder baha olar işiq odeye bil.irikde

    Cavab yaz
  • Anonim
    Hmmm! · 10 Dekabr 2021 09:2910

    Azərişığın baş ofisində əhali ilə davranış qaydalarını bilmirlərsə, görün əyalətdə bunlar özlərini necə aparırlar.Şəxsən özümün bu təşkilata 1qəpikdə borcum olmasada, bunlar mənə sərfiyyatım barədə məlumat verdikdən 7-10 gün ərzində işıqpulunu ödəyəcəyim vaxta qədər 3-4 dəfə təhdit dolu məsajlar göndərirlər.Belə ağılsız idarəetmənin kükündə monopoliyanın olması durur.Nəticə olaraq, enerji satışı ilə məşğul olan 1-2 özəl qurum məşğul olsa. bu antipodlardan heç kim enerji almaz deyə düşünürəm.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.