Avto

Oğurlanmış avtomobili SMS-lə qaytarmaq olar?

28 Oktyabr 2014 21:37
0 Şərh     Baxış: 1 173
VTB-də minimal faiz dərəcəsi ilə nağd kredit 9.9%-dən
#AVTO
Kim deyir ki, afrikalıların IT texnologiyası ilə tanışlığı Nigeriya spamlarını yaymaqdan o yana keçməyib? Bunu deyənlər irqçilərdir və onlara ayıb olsun! Keniyalı Kelvin Maçariya maşın qaçırılması əleyhinə sistem işləyib hazırlayıb və bu sistem inkişaf etmiş dünya analaoqlarından heç də geri qalmır. Kelvinin bir özəlliyi də var ki, başqalarından fərqli olaraq o qrant almaq üçün ora-bura vurnuxmur və paytaxt Nayrobidə kiçik, amma sürətlə inkişaf edən biznes qurub.

Milli.Az 4charx.com-a istinadən bildirir ki, maşınları oğurlanmaqdan qorumaq ideyası Maçariyanın ağlına bir neçə il əvvəl onun qohumlarından birinin avtomobili oğurlanarkən gəlib. Texniki universitet tələbəsi nəhayət özünün çoxfunksiyalı sistemini işləyərək hazırlayıb. Sistem təkcə oğurlanmış maşını qaytarmağa kömək etmir, həm də oğrunu tutmaqda polisə imkan verir.

Sistem çox ağıllı qurulub. Avtomobildə gizlədilmiş GPS-modul avtomobilin yerləşdiyi yeri müəyyən edir və koordinatları sahibinin telefonuna və situasiya mərkəzinə ötürür. Əgər oğru salona daxil olmuşsa gizli kamera dərhal onun şəklini çəkir. Lakin sistemin ən maraqlı funksiyası mühərrikin məsafədən söndürülməsidir və həmin funksiya adi SMS ilə aktivləşir. Maşın sahibinin verilmiş ünvana gizli kodu SMS ilə göndərməsi kifayətdir ki, mühərrik dayansın. Onu blokdan çıxarmadan yenidən işə salmaq isə artıq qeyri-mümkün olacaq. İncə düşünülmüşdür, deyilmi?

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.