Avto

"Toyota"dan gözlənilməz addım

2 İyul 2025 12:30
Baxış: 2 334
VTB-də minimal faiz dərəcəsi ilə nağd kredit 9.9%-dən
#DÜNYADA #İQTİSADİYYAT #AVTO #TOYOTA MOTOR CORP

"Toyota" adını açıqlamadığı SUV modelinin istehsalını təxirə salıb.

Milli.Az xəbər verir ki, Toyota ABŞ-də benzinlə işləyən SUV istehsalını artırmaq üçün elektrikli plug-in avtomobil ilə bağlı planlarını gecikdirib.

Yaponiyanın nəhəng avtomobil istehsalçısı 2028-ci ildən etibarən Kentuki, Corctaun fabrikində nəzərdə tutulan elektrikli SUV-un istehsalına planlaşdırılandan bir ildən çox gec başlamaq niyyətindədir. Əvvəlcə bu plug-in modelinin Indiana, Princeton fabrikində istehsal olunacağı gözlənilirdi, amma indi istehsal Kentukiyə köçürüləcək.

Bu dəyişiklik şirkətin benzinlə və ya hibrid benzin-elektrikli variantda olan bestseller Grand Highlander SUV-nun istehsalını artırmasına imkan verəcək.

Toyota nümayəndəsinin sözlərinə görə batareya ilə işləyən yeni model 2026-cı ilin sonlarında Corctaun fabrikində başqa üç sıralı elektrikli SUV-larla birlikdə istehsal olunacaq.

ABŞ-də elektrikli avtomobillərə tələbin zəifləməsi və Senatın vergi kreditlərini bitirəcək qanunu qəbul etməsi səbəbindən bu gecikmə baş verib.

Ötən il ABŞ-də elektrikli avtomobil satışları 7,3% artaraq 1,3 milyon ədədə çatıb. Lakin Toyota 2024-cü ildə ABŞ-da 30 mindən az tam elektrikli avtomobil satıb, halbuki hibrid və benzinlə işləyən SUV-lara tələbat yüksəkdir.

Toyota ABŞ satış rəhbəri David Christ bildirib ki, Grand Highlander seriyada ən sürətli satılan məhsuldur və iyun ayını üç günlük təchizatla bağlayıb.

İslam
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.