Avto

"Toyota Alphard"da təhlükə aşkarlandı – Geri çağırılır

24 May 2025 12:24

Baxış: 1 307

VTB-də minimal faiz dərəcəsi ilə nağd kredit 9.9%-dən

#RUSİYA #AVTO #TOYOTA MOTOR CORP #AVTOMOBİL

Toyota Rusiyada satılmış bəzi Alphard mikroavtobuslarını geri çağırdığını açıqlayıb.

Milli.Az rus mediasına istinadla xəbər verir ki, bu barədə Federal Texniki Tənzimləmə və Metrologiya Agentliyi (Rosstandart) məlumat yayıb.

Məlumata görə, geri çağırılma 2020-ci il sentyabrın 30-dan 2021-ci il martın 31-dək Rusiya bazarında satılmış 195 ədəd Toyota Alphard modelinə şamil edilir.

Rosstandartın açıqlamasında qeyd olunur ki, avtomobillərdə ön kapot qəlibinin bərkidilməsində dizayn uyğunsuzluğu aşkar edilib. Temperatur dəyişiklikləri səbəbindən kapotun qəlibi deformasiyaya uğraya, bu isə çatlara və zəifləməyə, hətta qəlibin qopmasına gətirib çıxara bilər. Belə bir nasazlıq yol hərəkətində təhlükə yarada bilər.

Toyota Motor MMC bu nəqliyyat vasitələrinin sahiblərinə məktub və ya telefon zəngi vasitəsilə müraciət edəcək. Problemin aradan qaldırılması məqsədilə avtomobillərin ön kapot hissəsi rəsmi Toyota dilerlərində tamamilə pulsuz şəkildə dəyişdiriləcək.

Şirkət mümkün insidentlərin qarşısını almaq üçün təsirə məruz qalan bütün avtomobillərin təcili şəkildə servislərə təqdim olunmasını tövsiyə edir.

Fidan
Milli.Az