Avto

Bu 3 modelə ömürlük qarantiya verildi

14 Aprel 2025 16:00
Baxış: 5 053
VTB-də minimal faiz dərəcəsi ilə nağd kredit 9.9%-dən
#DÜNYADA #VOLKSWAGEN AG #AVTO #MAŞIN BAZARI

Volkswagen Çin bazarında rəqabəti artırmaq üçün ömür boyu zəmanət təklif edir.

Milli.Az xəbər verir ki, Volkswagen Çin bazarında rəqabəti artırmaq və istehlakçıların diqqətini çəkmək üçün cəsarətli bir addım atıb.

Şirkət SAIC Volkswagen birgə müəssisəsi vasitəsilə SUV seriyasındakı üç model - Volkswagen Tharu, Tiguan L Pro və Teramont Pro üçün ömür boyu zəmanət təklif etməyə başlayıb. Bu təklif həm müddət, həm də məsafə baxımından heç bir məhdudiyyət olmadan mühərrik, sürətlər qutusu, asqı və sükan kimi avtomobilin əsas hissələrini əhatə edir.

Lakin bu zəmanətdən yalnız ilk sahiblər yararlana bilər və bütün xidmətlər yalnız səlahiyyətli Volkswagen servis mərkəzlərində həyata keçirilməlidir.

Ömür boyu zəmanət kampaniyasından, 30 aprel 2025-ci il tarixinə qədər bu üç modeldən birini alanlar faydalana bilər.

Mütəxəssislər "Volkswagen"in bu addımın şirkətin Çin bazarındakı mövqeyini gücləndirmək və xüsusilə elektrikli və hibrid avtomobil seriyasını genişləndirən yerli istehsalçılar qarşısında öz modellərinə marağı artırmaq məqsədi kimi qiymətləndirirlər.

İslam
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.