Avto

"Toyota Land Cruiser"lər geri çağırılacaq: ciddi problem AŞKARLANDI

3 Aprel 2025 09:21

Baxış: 602

VTB-də minimal faiz dərəcəsi ilə nağd kredit 10.49%-dən

#MARAQLI #AVTO #TOYOTA MOTOR CORP #AVTOMOBİL #SƏNAYE

"Toyota" şirkəti Rusiyadakı "Toyota Land Cruiser 300" yolsuzluq avtomobillərini mühərriklərindəki nasazlığa görə geri çağıracaq.

Milli.Az oxu.az-a istinadən xəbər verir ki, bu barədə brendin Mətbuat Xidməti məlumat yayıb.

Geriçağırma kampaniyasının əhatə etdiyi avtomobillər "V35A" mühərrikləri ilə təchiz olunub.

"Bu güc aqreqatında mühərrikin diyircəkli yastıqlarına təzyiq elədir ki, mexaniki emaldan sonra əmələ gələn qalıqlar onlara yapışarsa və mühərrik yüksək yük altında işləməyə davam edərsə, zaman keçdikcə diyircəkli yastıqlar sıradan çıxa bilər. Bu, mühərrikin dayanmasına səbəb ola bilər", - deyə brendin Mətbuat Xidməti bildirib.

Qeyd olunub ki, 2021-ci il aprelin 26-dan 2022-ci il fevralın 8-dək istehsal olunmuş mühərriklər dəyişdiriləcək. Avtomobil sahibləri üçün bütün işlər pulsuz həyata keçiriləcək.

Rusiyada 28 noyabr 2020-ci ildən 21 aprel 2023-cü il tarixədək satılan 2233 avtomobil geri çağırılacaq. Bu avtomobillərdə arxa divanın arxa hissəsi 60%-40% nisbətində qatlanan iki hissədən ibarətdir.

Qəza zamanı oturacağın bir hissəsi qatlandıqda, sərnişin çərçivə plankasına toxuna bilər, bu da xəsarət alma riskini artırır. Geri çağırılmalı olan bütün avtomobillərdə oturacaqların arxa çərçivəsi tənzimlənəcək.

Milli.Az