Avto

Avtomobildən silaha: "Volkswagen" hərbi texnika istehsalına başlayır

15 Mart 2025 17:26

Baxış: 1 360

VTB-də minimal faiz dərəcəsi ilə nağd kredit 9.9%-dən

#MARAQLI #AVTOMOBİL #ORDU #ALMANİYA

Alman avtomobil nəhəngi Volkswagen müdafiə sənayesində aktiv rol almaq üçün Almaniya hökuməti ilə yeni müqavilə bağlayıb.

Milli.Az xarici mediaya istinadla xəbər verir ki, müqavilə çərçivəsində şirkətin hərbi maşınlar və logistik dəstək sistemləri istehsal etməsi gözlənilir.

"Volkswagen"in baş direktoru bu təşəbbüsün təkcə texnologiya və işçi qüvvəsi baxımından deyil, həm də Almaniyanın təhlükəsizliyi üçün kritik rol oynayacağını bildirib.

Volkswagen-in bu addımı Avropada dəyişən təhlükəsizlik siyasətinə və Almaniyanın artan müdafiə xərclərinə paralel olaraq atılır. Şirkət əvvəllər Traton Group və MAN kimi törəmə şirkətləri vasitəsilə dolayı yolla müdafiə sektorunda iştirak edirdi. Lakin yeni strategiya ilə Volkswagen bu sahədə daha aktiv rol alacaq.

Müdafiə sənayesini gücləndirmək məqsədilə atılan bu addım Volkswagen-in istehsal gücünü genişləndirərək sektorda yeni səhifə açmasına şərait yarada bilər. Bu yeni təşəbbüs barədə rəsmi təfərrüatların yaxın günlərdə açıqlanacağı gözlənilir.

Fidan
Milli.Az