Avto

"Volkswagen"in gəlirləri azaldı – Çin bazarında sərt rəqabət

12 Mart 2025 11:18

Baxış: 1 659

VTB-də minimal faiz dərəcəsi ilə nağd kredit 9.9%-dən

#MARAQLI #VOLKSWAGEN AG #AVTO #AVTOMOBİL #SƏNAYE

Alman avtomobil nəhəngi Volkswagen 2024-cü il üzrə maliyyə nəticələrini açıqlayıb.

Milli.Az xarici mediaya istinadla xəbər verir ki, şirkət bildirir ki, xalis mənfəət 30,6% azalaraq 12,4 milyard avroya düşüb. Bunun əsas səbəbi istehsal xərclərinin artması və Çin bazarındakı sərt rəqabət olub.

Volkswagen-in ümumi satışları bir qədər yüksələrək 324,7 milyard avroya çatsa da, əməliyyat nəticəsi 15% azalaraq 19,1 milyard avroya düşüb. Şirkət əsasən restrukturizasiya məqsədilə 2,6 milyard avroluq birdəfəlik xərclər etdiyini bildirib.

Volkswagen-in tədarükləri keçən il Çində təxminən 10% azalıb, halbuki dünyanın digər bölgələrində sabit qalıb və ya artıb. Bu zəiflik ümumi satışların 3,5% azalmasına səbəb olub. Çinli rəqiblərin artan təsiri və elektrik avtomobillərinə keçiddə yaşanan çətinliklər şirkətin bazardakı mövqeyini sarsıdıb.

Şirkət gəlirlərinin bu il 5%-ə qədər artacağını və əməliyyat marjasının 5,5%-dən 6,5%-ə qədər yüksələcəyini proqnozlaşdırır.

Maliyyə direktoru Arno Antlitz bildirib ki, "Xərcləri ardıcıl olaraq azaltmaq və gəlirliliyi artırmaq" Volkswagen-in irəliləməsi üçün əsas prioritet olacaq.

Fidan
Milli.Az