Avto

Son günlər qiyməti düşən maşınlar

5 Fevral 2025 14:50
Baxış: 10 130
VTB-də minimal faiz dərəcəsi ilə nağd kredit 9.9%-dən
#CƏMİYYƏT #İQTİSADİYYAT #AVTO #AVTOMOBİL #MAŞIN BAZARI

Avtomobil bazarında vəziyyət heç də ürəkaçan deyil.

Milli.Az xəbər verir ki, tıxacların çoxalması, parkinqlə bağlı qüvvəyə minən qərarlar, cərimələrin artırılması, qiymət artımı və başqa bu kimi amillər satışa çıxarılan avtomobillərin sayına təsir edir. Tələbat azaldıqca, qiymət də azalır. Belə ki, hazırda maşın alandan çox, satan var.

Ümumiyyətlə, son zamanlar bütün maşınların qiyməti düşüb. Mühərrik həcmi 2-dən yuxarı olan maşınların qiymətində geriləmə müşahidə edilir. Lakin, bəzi modellər var ki, onlar ölkədə çox sayda olduğu üçün endirim daha çox gözə çarpır. 

2010-2014-cü illərdə istehsal olunan BMW F10 modelinin qiyməti kəskin düşüb. Əvvəllər ən pis vəziyyətdə olan F10-u 22 minə tapmaq olurdusa, hazırda bu rəqəm 16 minə qədər düşüb.

Mitsubishinin Pajero modeli də kəskin qiymət azalması ilə üzləşən avtomobillərdəndir. Bu maşının 2007-2008-ci ildə istehsal olunan modellərini 15-16 mindən tapmaq mümkündür.

Hyundai Elantra və Kia Cerato da qiyməti düşən modellərdəndir. Amerikadan auksiondan ucuz qiymətə gətirilən maşınların sayı o qədər artıb ki, ötən il 27 min manatdan təklif olunan Elantraları, artıq 16 min manata da tapmaq olur. Bu maşınların həm ekonomluq, həm də müasir texnologiya baxımından Çin avtomobillərindən geridə qalması da onun bazarına mənfi təsir edir.

Son aylarda ən çox alınan maşınlar sırasında Toyota corolla, Changan Uni-V, BYD destroyer, BMW-nin ili 2015-dən  yuxarı olan F seriyası, Hyundai və Kianın ili 2018-dən yuxarı olan modelləridir.

İslam
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.