PUL
.jpg)
.jpg)
Azərbaycanda da kifayət qədər populyar olan BYD satış sayına görə Toyota-nı üstələyib.
Milli.Az xəbər verir ki, BYD 2024-cü ildə Yaponiyada Toyota-nı ötərək elektrikli avtomobil satışlarında üstünlük qazanıb.
BYD elektrikli avtomobil satışlarını keçən ilə nisbətən 54 faiz artıraraq 2223 ədədə çatdırıb, Toyota isə 30 faizlik azalma ilə 2038 ədəd avtomobil satıb. Bu nəticə xarici mənşəli tam elektrikli avtomobil markasının ilk dəfə Yaponiyanın yerli avtomobil nəhəngini geridə qoyması kimi tarixə düşüb. Şirkətin Atto 3, Dolphin və Seal modelləri ilə bazara güclü girişi bu uğuru təmin edib.
2025-ci ildə satışa çıxarılması planlaşdırılan Sealion 07 modeli ilə BYD, bazardakı mövqeyini gücləndirməyi hədəfləyir. Toyota isə bZ4X modelinin satışlarını 10 faiz artıraraq 1012 ədədə yüksəldə bilsə də, BYD-nin sürətinə çatmaqda çətinlik çəkib.
Ümumilikdə, Yaponiyanın elektrikli avtomobil bazarı 2024-cü ildə 33 faiz azalma ilə son dörd ildə ilk dəfə geriləmə yaşayıb və satışlar 60 min həddindən aşağı düşüb. Bu azalmanın nəticəsində bazar payı 2 faizin altına enib və ölkə digər inkişaf etmiş ölkələrdən geri qalıb.
Nissan təxminən bazarın yarısına sahib olsa da, Leaf və Sakura modellərinin satışlarında müvafiq olaraq 44 və 38 faizlik azalmalar yaşayıb. Tesla, idxal edilmiş elektrikli avtomobillər arasında liderliyini qorusa da, BYD onun bazar payının böyük bir hissəsini ələ keçirərək 40 faizlik paya çatıb. BYD 2025-ci ilə qədər Yaponiyada 100 mağaza açmağı planlaşdıraraq bazarda genişlənməyə davam etməyi nəzərdə tutur.
İslam
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
