Avto

Azərbaycanda bəzi şəxslərə AVTOMOBİL VERİLƏCƏK

13 Dekabr 2024 00:43
Baxış: 3 285
VTB-də minimal faiz dərəcəsi ilə nağd kredit 9.9%-dən
#AVTOMOBİL

Çernobıl Atom Elektrik Stansiyasında (AES) baş verən dəhşətli qəzanın nəticələrinin aradan qaldırılması zamanı əlil olmuş şəxslərə dövlət büdcəsi hesabına minik avtomobilləri veriləcək.

Milli.Az xəbər verir ki, İqtisadiyyat.az-ın əldə etdiyi məlumata görə, qəzanın nəticələrinin ləğvində iştirakla əlaqədar əlil olmuş və xüsusi nəqliyyat vasitəsi almaq üçün tibbi göstərişləri olan daha 39 şəxs avtomobillə təmin olunacaq.

Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyi avtomobillərin satın alınması ilə bağlı "Azərmaş Park" şirkəti ilə müqavilə bağlayıb.

Müqaviləyə əsasən, qurum 39 minik avtomobilinin satın alınması ilə əlaqədar şirkətə 682 500 manat ödəyib.

Qeyd edək ki, Çernobıl Atom Elektrik Stansiyasında (AES) baş verən dəhşətli qəzanın nəticələrinin aradan qaldırılması zamanı əlil olmuş şəxslərin dövlət büdcəsi hesabına minik avtomobilləri ilə təminatı diqqətdə saxlanılır.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.