Avto

"Hyundai"nin fabrikində 3 nəfər müəmmalı şəkildə öldü - FOTO

29 Noyabr 2024 10:04

Baxış: 2 561

VTB-də minimal faiz dərəcəsi ilə nağd kredit 9.9%-dən

#DÜNYADA #HYUNDAİ MOTOR CO LTD #AVTOMOBİL #BƏDBƏXT HADİSƏ #HYUNDAİ

"Hyundai"nin fabrikində 3 nəfər müəmmalı şəkildə ölüb.

Milli.Az Reuters-ə istinadla xəbər verir ki, Cənubi Koreyada "Hyundai"nin test olunduğu otaqda 3 nəfərin meyiti tapılıb.

Onlardan ikisi tədqiqatçı, biri isə podratçı olub. 3 nəfərin tüstüdən boğularaq öldüyü ehtimal edilir.

İşçilərin "Hyundai"nin amartizasiya sistemini test etdikləri qeyd olunub.

Ulsan şəhərində polis zabiti bildirib ki, hadisə ilə bağlı cinayət işi açılıb, araşdırmalar davam etdirilir.

Yanğınsöndürmə idarəsinin rəsmisi "Reuters"ə verdiyi açıqlamada saat 15:17-də "Hyundai"nın 4-cü zavodunda qəza baş verdiyi barədə məlumat aldığını qeyd edib.

"Hyundai Motor Company" bəyanatında bildirib: "Cənubi Koreyanın Ulsan şəhərində yerləşən zavodumuzda baş vermiş hadisədən dərin kədər hissi keçiririk." Şirkət əlavə edib ki, "bu hadisənin səbəbinin müəyyənləşdirilməsi üçün aidiyyəti qurumlarla tam əməkdaşlıq ediləcək."

Qeyd edək ki, Ulsan zavodu "Hyundai"nın ən böyük istehsal müəssisəsidir. Öz limanına malik olan bu zavod ildə 1,4 milyon avtomobil istehsal gücünə malikdir ki, bunun 1,1 milyonu ixrac olunur.

Keçən ilin noyabr ayında Hyundai Motor Cənubi Koreyada elektrik avtomobilləri istehsalına həsr olunmuş 2 trilyon von (1,44 milyard ABŞ dolları) dəyərində yeni zavodun tikintisinə başlamışdı. Bu addım şirkətin benzinlə işləyən avtomobillərdən uzaqlaşmaq strategiyasını sürətləndirmək məqsədini güdür.

İslam
Milli.Az