Avto

"Ferrari" ağac və qumdan hazırlanmış unikal avtomobili təqdim etdi - FOTOlar

11 Oktyabr 2024 05:05

Baxış: 2 954

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #AVTO #AVTOMOBİL

"Ferrari" unikal layihəsini - qum, ağac və digər qeyri-adi materiallardan hazırlanmış komponentlərin istifadəsi də daxil olmaqla, "Tailor Made" tərəfindən dizayn edilmiş unikal "Roma Spider" kabrioletini təqdim edib.

Milli.Az oxu.az-a istinadən bildirir ki, bu barədə "Championat" məlumat yayıb.

Avtomobil "Ferrari" avtomobillərinin bəzədilməsi üçün müxtəlif materiallardan istifadə imkanlarının nümayişi üçün yaradılıb. Beləliklə, oturacaqları tikmək üçün istifadə olunan sapların tərkibində təkrar emal edilmiş təkərlərin hissəcikləri var.

Bundan əlavə, korpus hazırlandıqdan sonra qalan alüminium mühərrikin komponentlərində istifadə edilmişdir. Salonun detallarının bir hissəsi ağacdan, mərkəzi konsolun bəzəyi isə sıxılmış qumdan hazırlanmışdır.

Həmçinin, xüsusilə bu "Ferrari Roma Spider" üçün "Montblanc" şirkəti platinlə örtülmüş qızıl ucu olan xüsusi "Meisterstück" qələmini buraxıb - onun korpusu avtomobilin korpusu kimi "Oro Mida" rənginə boyanmışdır.

Kapotun altında avtomobil 456 kVt (620 at gücü) gücünə malik standart 3.9 litrlik tvin-turbo F154 BH V8 mühərrikinə malikdir. Sportkar 100 km/saat həddinə 3.4 saniyəyə sürətlənir, maksimal sürəti isə 320 km/saatı ötür.

Milli.Az

Xəbərlərimizi WhatsApp kanalımızdan da oxuyun