Avto

2024-cü ilin ən yaxşı elektrik avtomobillərinin reytinqi - FOTO

25 İyul 2024 11:09

Baxış: 2 403

#MARAQLI #TEXNOLOGİYA #AVTO #REYTİNQ #AVTOMOBİL

Avtomobillərin keyfiyyətinin yeni reytinqini dərc edib. Bu dəfə mütəxəssislər 2024-cü ilin ən yaxşı elektrik avtomobillərini müəyyən ediblər.

Milli.Az oxu.az-a istinadən xəbər verir ki, istehlakçı araşdırmaları üzrə ixtisaslaşmış "Amerikanın Consumer Reports" nəşrindəki məlumata görə, test edilən 50 elektromobildən yalnız 14-ü tövsiyə edilənlər siyahısına daxil olub. Onların arasında 2024-cü ilin həm kütləvi, həm də premium elektrik avtomobilləri var və siyahının əsas lider mövqelərində "Hyundai-KIA" konserninə məxsus avtomobillər yer alıb.

Reytinqdə mütləq qalib 100 mümkün baldan 98 xal toplayan "KIA EV9" elektrik krossoveri olub. Bu reytinqdə ikinci yeri premium elektrik krossoveri seqmentinin qalibi "BMW iX" tutub.

2024-cü ilin ən yaxşı premium elektrik krossoverləri:

1. "BMW iX" - 84 xal;

2. "Genesis GV60" - 75;

3. "Lexus RZ" - 74;

4. "Audi Q4 e-tron" - 71;

5. "Audi Q8 e-tron" - 70.

Kütləvi elektrik krossoverləri arasında lider "Tesla Model Y"ı "KIA EV6" qabaqlayıb.

2024-cü ilin ən yaxşı elektrik krossoverləri:

1. "KIA EV6" - 77 xal;

2. "Tesla Model Y" - 72;

3. "KIA Niro Electric" - 71;

4. "Nissan Ariya" - 70;

5. "Ford Mustang Mach-E" - 70.

Kütləvi istehsal edilən minik elektrik avtomobilləri arasında "Hyundai Ioniq 6" (83 xal), premium avtomobillər arasında isə "BMW i4" (83 xal) və "Porsche Taycan" (76 xal) qeyd edilib.

Milli.Az
Xəbərlərimizi WhatsApp kanalımızdan da oxuyun