Ermənistan

Areqnaz Manukyan saxlanıldı

9 İyul 2026 13:58
Baxış: 1 692
VTB-də minimal faiz dərəcəsi ilə nağd kredit 9.9%-dən
#ERMƏNİSTAN #ERMƏNİ

İrəvanda Ana Ermənistan Partiyasının üzvü və Çiçəklənən Ermənistan Partiyasının 7 iyun parlament seçkisi üçün siyahısında olan Areqnaz Manukyan saxlanılıb.

Milli.Az oxu.az-a istinadən xəbər verir ki, bu barədə "Sputnik Ermənistan" "Telegram" kanalı məlumat verib.

Ermənistan İstintaq Komitəsi məlumatı təsdiqləyib və müxalifət partiyasının üzvünün artıq komitəyə gətirildiyi bildirilib.

Məlumata görə, Areqnaz Manukyan dövlət sirri ilə bağlı məlumatları dərc etməkdə ittiham olunub. İstintaq Komitəsi qeyd edib ki, ona qarşı Ermənistan Cinayət Məcəlləsinin müvafiq maddəsi ilə cinayət işi açılıb.

Daha əvvəl KİV-də dərc olunmuş məlumatlara əsasən, hüquq-mühafizə orqanları Areqnaz Manukyanı 2024-cü ilin aprel ayında keçirilən qapalı iclasdan məlumatları partiya lideri Andranik Tevanyana ötürməkdə şübhəli bilirlər ki, bu da Tevanyana qarşı "Casusluq və dövlətə xəyanət" ittihamı üzrə işin başlanmasına səbəb olub.

Müəllif: Tural Hüseyn (Milli.Az redaktor)

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.