Ermənistan

Zori Balayan öldü

5 Aprel 2026 10:58
Baxış: 2 111
VTB-də minimal faiz dərəcəsi ilə nağd kredit 9.9%-dən
#ERMƏNİSTAN #ERMƏNİ

Azərbaycan dövlətinə və xalqına qarşı bir sıra ağır cinayətlər (soyqırımı, terror və s.) törətmiş Zori Balayan ölüb.

Milli.Az Trend-ə istinadən bildirir ki, onun ölümü ilə bağlı məlumatı Ermənistan mediası Z.Balayanın oğluna istinadla yayıb.

Qeyd edək ki, Z.Balayan ölkəmizə qarşı daim düşmən münasibəti bəsləyib və ağır cinayət əməlləri törədib. Onunla bağlı Azərbaycanda cinayət işi başlanılıb. Belə ki, 1980-ci illərin əvvəllərində yazdığı "Ocaq" adlı kitabda o, Qarabağın və Naxçıvanın "qədim erməni torpağı" olduğunu iddia edib. Balayan, həmçinin kitabda türkləri və azərbaycanlıları düşmən elan edib.

Bundan başqa, Z.Balayan "Miatsum" "hərəkatı"nın liderlərindən biri olub. O, Azərbaycanın vaxtilə Ermənistan silahlı qüvvələrinin işğalı altında saxlanılan ərazilərində qondarma rejimin yaradılmasında və silahlı birləşmələrin fəaliyyətinin koordinasiyasında yaxından iştirak edib.

Z.Balayan həm də 1992-ci ilin fevralında Xocalıda dinc əhaliyə qarşı törədilmiş soyqırımının birbaşa təşkilatçılarından və icraçılarından biri olub.

1994-cü il iyulun 3-də Bakı metrosunda - metronun "Gənclik" və "28 May" stansiyaları arasında baş vermiş terrorun sifarişçisi olub. Partlayış nəticəsində 12 nəfər həlak olur, 42 nəfər isə yaralanıb. Sonradan məhkəmədə terror hadisəsini törətmək barədə göstərişin Z.Balayan tərəfindən verildiyi məlum olub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.