Ermənistan

“Ermənilərə Stalin lazımdır”

5 Fevral 2025 15:09
Baxış: 1 907
VTB-də minimal faiz dərəcəsi ilə nağd kredit 9.9%-dən
#ERMƏNİSTAN #ERMƏNİ

Ermənistanın Baş naziri Nikol Paşinyana qarşı daxili narazılıq getdikcə güclənir. 

Milli.Az xəbər verir ki, Paşinyanın sosial məsələlərlə bağlı qərarları, həmçinin "erməni soyqırımı", himnin dəyişdirilməsi, Azərbaycanla sülh prosesi ilə bağlı açıqlamaları ermənilər tərəfindən tənqidlə qarşılanır.

Son olaraq ictimai nəqliyyatın qiymətinin artırılması ölkədə ciddi narazılığa səbəb olub. Hətta vətəndaşların bir qismi boykot məqsədi ilə avtobuslardan ödənişsiz istifadə etməyə başlayıb. Lakin erməniləri ən çox qəzəbləndirən məsələ baş nazirin "erməni soyqırımı" iddiaları ilə bağlı çağırışıdır. Paşinyan bu məsələnin araşdırılmalı olduğunu bildirib və 1950-ci illərdə Türkiyənin NATO-ya qoşulması əleyhinə bir həmlə adlandırıb.

Şirak vilayətinin Artik bölgəsinin sakini Artur Nalqranyanın baş nazir haqqındakı sözləri isə maraqla qarşılanıb. O, Ermənistanın dirçəlməsi üçün keçmiş SSRİ-nin lideri İosif Stalin kimi bir liderə ehtiyac olduğunu bildirib:

"Paşinyan çıxışlarında real gündəmdən uzaqlaşır. O, vacib mövzulardan yayınaraq xırda məsələlərə diqqət çəkir. Müharibə şəraitindəki ölkələr belə məqamlara ilişib qalmırlar. Ermənilərə Stalin kimi bir lider lazımdır. Biz ancaq o zaman ayağa qalxa bilərik". /Globalinfo.az

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.