Ermənistan

Sabiq erməni nazirin ABŞ-dəki malikanəsi müsadirə olundu

8 İyul 2024 21:50
Baxış: 1 438
VTB-də minimal faiz dərəcəsi ilə nağd kredit 9.9%-dən
#ERMƏNİSTAN

ABŞ məhkəməsi Ermənistanın keçmiş maliyyə naziri Qaqik Xaçatryanın ailəsinə məxsus Los-Ancelesdəki malikanənin müsadirə edilərək ən yüksək bazar qiymətinə satılması barədə qərar qəbul edib.

Milli.Az qafqazinfo-ya istinadən xəbər verir ki,  bu barədə Ermənistan Baş Prokurorluğu məlumat yayıb.

Qeyd olunur ki, malikanə cinayət mənşəli mülkiyyət sayılır. Məhkəmə malikanənin müsadirə edilməsi və satılması barədə qərarı Ermənistan Baş Prokurorluğu ilə ABŞ-nin müvafiq orqanlarının əməkdaşlığı nəticəsində qəbul edib. Hazırda erməni və amerikalı tərəflər malikanənin satışından əldə ediləcək məbləğin böyük hissəsinin Ermənistana qaytarılmasını təmin etmək üçün danışıqlar aparır.

Qeyd edək, Ermənistan Milli Təhlükəsizlik Xidmətinin istintaq şöbəsi bundan əvvəl keçmiş nazirin oğulları - Qurgen və Artem Xaçatryanlara qarşı cinayət işi açıb. Ermənistan və ABŞ hüquq-mühafizə orqanlarının əməkdaşlığı nəticəsində ABŞ-də müvafiq məhkəmə prosesi başlayıb. 

Bundan əlavə, aprel ayında Ermənistanın Baş Prokurorluğu Qaqik Xaçatryan və ona bağlı şəxslərdən 200 daşınmaz əmlakın və təxminən 84 milyon dolların müsadirə olunmasını tələb edib.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.