Ermənistan

Ermənistanda itaətsizlik aksiyası - 240 nəfər və deputat Aşot Simonyan saxlanıldı - YENİLƏNİB - VİDEO - FOTO

27 May 2024 13:07
Baxış: 2 011
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

13:07

İrəvanda saxlanılan etirazçıların sayı 240 nəfərə çatıb.

Milli.Az report-a istinadən xəbər verir ki, bu barədə Ermənistan Daxili İşlər Nazirliyi məlumat yayıb.

Qeyd edilib ki, onlar Ermənistan İnzibati Məcəlləsinin 182-ci (polis əməkdaşının qanuni tələbinə tabe olmama) maddəsi ilə saxlanılıblar.

----------
11:14


İrəvandakı etiraz aksiyasında saxlanılanların sayı 226 nəfərə çatıb.

Milli.Az xəbər verir ki, bunu İrəvan Polisinin rəisi Zarzand Qabrielyan bildirib.

O deyib ki, təcridxanaya aparılanlar arasında "Daşnaksütyun" partiyasından olan deputat Aşot Simonyan da var.

--------
11:02

İrəvanda baş nazir Nikol Paşinyanın istefası tələbi ilə keçirilən etiraz aksiyası zamanı 196 nəfər və deputat Aşot Simonyan saxlanılıb.

Milli.Az Trend-ə istinadən xəbər verir ki, bu gün səhər arxiyepiskop Baqrat Qalstanyanın "Vətən naminə Tavuş" hərəkatının tərəfdarları Ermənistanın paytaxtında və regionlarında vətəndaş itaətsizliyi aksiyalarına başlayıb.

Etirazçılar İrəvanda bir sıra küçələri, həmçinin, regionlararası əhəmiyyətə malik magistral yolları və küçələri bağlayıblar. Polisin qanuni tələblərini yerinə yetirməyən aksiya iştirakçıları saxlanılaraq ərazidən uzaqlaşdırılıb.

Xatırladaq ki, İrəvanda etiraz aksiyaları mayın 9-dan bəri davam edir.


------------
10:14


Ermənistanda keçirilən aksiyalar zamanı saxlanılanların sayı 137 nəfərə çatıb.

Milli.Az xəbər verir ki, bu barədə "Sputnik Armenia" məlumat yayıb.

--------
09:59


İrəvanda baş verən aksiyalar zamanı KTMT-nin keçmiş baş katibi Yuri Xaçaturovun oğlu İqor Xaçaturov saxlanılıb.

Milli.Az axar.az-a istinadən bildirir ki, bu barədə erməni mətbuatı məlumat yayıb.

Xaçaturovla yanaşı, parlamentin "Ermənistan" fraksiyasının deputatı Artur Sərkisyan da polis tərəfindən saxlanılıb.

Qeyd edək ki, İqor Xaçaturov Ermənistan silahlı qüvvələrinin üçüncü ordu korpusunun keçmiş komandiri, general-mayordur.

--------
09:05


Ermənistanda keçirilən itaətsizlik aksiyasında 67 nəfər saxlanılıb.

Milli.Az APA-ya istinadən bildirir ki, bu barədə Ermənistan Daxili İşlər Nazirliyi məlumat yayıb.

---------
08:52

Müxalifət hərəkatının lideri, arxiyepiskop Baqrat Qalstanyanın çağırışı ilə Ermənistanın müxtəlif yerlərində səhər tezdən vətəndaş itaətsizliyi aksiyaları başlayıb.

Milli.Az report.az-a istinadən xəbər verir ki, bu barədə Ermənistan müxalifətinin "Srbazan Paykar" teleqram kanalı məlumat yayıb.

Kanalın yaydığı videomateriallardan fəalların Əştərək şəhərində İrana gedən dövlətlərarası avtomobil yolunu bağladıqları məlum olub. Müxalif qüvvələr Baş nazir Nikol Paşinyanın istefasını tələb edir.

Xatırladaq ki, ötən gün arxiyepiskop Baqrat Qalstanyanın "Vətən uğrunda Tavuş" hərəkatından Ermənistanın baş nazirliyinə namizədliyi elan edilib.

Milli.Az
​Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.