Ermənistan

İrəvanda kütləvi aclıq aksiyası başladı

21 Sentyabr 2023 16:10
Baxış: 2 267
VTB-də minimal faiz dərəcəsi ilə nağd kredit 9.9%-dən
#ERMƏNİSTAN #AKSİYA

Ermənistanda baş nazir Nikol Paşinyan hakimiyyətinə qarşı parlament binasının qarşısında keçirilən etiraz aksiyasının təşkilatçıları kütləvi aclıq aksiyasına başladıqlarını elan ediblər.

Milli.Az Trend-ə istinadən bildirir ki, bunu aksiyanın təşkilatçısı, "Demokratik birləşmə" Partiyasının sədri Suren Petrosyan deyib.

Petrosyan bütün ruhaniləri, o cümlədən bütün ermənilərin katolikosu II Qaregini, ziyalı nümayəndələri, alim, mədəniyyət xadimləri, idmançıları da aksiyaya qoşulmağa çağırıb.

Etirazçılar İrəvanın mərkəzində Qaregin Njdenin abidəsi önünə yürüş edərək aclıq aksiyasına burada davam edəcəklərini bildiriblər.

Xatırladaq ki, sentyabrın 19-da İrəvanda hökümət binasının qarşısında etiraz aksiyası keçirilib. Hökumət evinin qarşısında çadır quran etirazçılar Paşinyan istefa verənə qədər orada qalacaqlarını deyiblər.

Ötən gecə isə Ermənistan polisi İrəvanın mərkəzində hökumət binasının qarşısında keçirilən etiraz aksiyasında 30 nəfəri saxlayıb. Saxlanılan şəxslərdən 28 nəfərə qarşı cinayət işi açılıb, 2 nəfər isə inzibati məsuliyyətə cəlb edilib.

Məqalədə:

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.