Ermənistan

Volski açıqladı: Bakı-İrəvan üçün ən yaxşı məkan...

23 Yanvar 2023 19:51
Baxış: 1 408
VTB-də minimal faiz dərəcəsi ilə nağd kredit 9.9%-dən
#ERMƏNİSTAN

Gürcüstan Ermənistan və Azərbaycan arasında danışıqlar üçün ən yaxşı platformadır.

Milli.Az axar.az-a istinadən bildirir ki, bunu Gürcüstan parlamentinin vitse-spikeri Giya Volski jurnalistlərlə söhbətində deyib.

O qeyd edib ki, onun ölkəsi həm İrəvan, həm də Bakı ilə xüsusi münasibətlərə sahibdir.

"Ermənistan və Azərbaycan arasında münasibətlərin nizamlanmasında Gürcüstanın rolu, əlbəttə ki, xüsusi əhəmiyyət kəsb edir, xüsusən də bu, beynəlxalq ictimaiyyət tərəfindən dəstəklənir", - o bildirib.

Onun sözlərinə görə, regionu hərbi eskalasiyadan xilas etmək Tiflisin maraqlarına uyğundur və tərəflər məhz bunun ətrafında birləşməlidir.

Öz növbəsində hakim Gürcü Arzusu Partiyasından olan deputat Mixail Sarjveladze qeyd edib ki, Gürcüstan Cənubi Qafqazda sülhün əldə olunmasında maraqlıdır və üzərinə konkret öhdəliklər götürməyə hazırdır:

"Hər kəs moderasiyanın mürəkkəbliyini başa düşür, bu məsələ sadə deyil. Bununla belə, tərəflərin və moderatorun bizim regionda sabitliyin və sülhün olmasını təmin etmək istəyi yaxşı ilkin şərtdir".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.