Rusiyanın agenti Paşinyana savaş elan etdi: Vardanyan İrəvanı ələ almaq istəyir

Kremlin tapşırığı ilə Qarabağa - Rusiya sülhməramlılarının nəzarəti altındakı torpaqlara göndərilən "siyasi desant" Ruben Vardanyanla Ermənistan hakimiyyəti arasında gərginlik yaşanır. Bəllidir ki, bu şəxs Ermənistanın mövcud hakimiyyətinin devrilməsi üçün Azərbaycanın ərazisini öz təbirincə desək "tramplinə" çevirib. Bu səbədən də Vardanyan artıq rəsmi İrəvan üçün arzuolunmaz şəxsə çevrilir.

Qondarma rejimdə "dövlət naziri" vəzifəsində çalışan Vardanyanı bölgədən qovmaq üçün baş nazir Nikol Paşinyan hökuməti plan hazırlayıb. Onun isə başı hazırda separatçı rejimi dirçəltmək, 44 günlük müharibədə məhv edilən ordunun tör-töküntülərini bir yerə yığmaq, iqtisadiyyatı dirçıltməyə qarışıb.

Xatırladaq ki, "dövlət naziri" təyin edildikdən sonra Vardanyan 5 nəfəri özünə müşavir təyin edib. Bununla da separatçı qurumun "dövlət strukturunda" əhəmiyyətli dəyişikliklər etmək istəyir. Plan da Araik Arutunyanı sıradan çıxarmaqdır. Ruben Vardanyan enerji sektoru istisna olmaqla, demək olar ki, bütün hökumət və dövlət xidmətlərini əlaqələndirəcək bir post yaratmaq istəyir. Öz tabeliyinə "xarici işlər naziri" David Babayanı salmaq niyyətindədir.

Ruben Vardanyan Qarabağda sülhməramlıların nəzarəti altında olan ərazilərdə ciddi dəyişikliklər etmək, etibar etdiyi və peşəkar bacarıqlarına bələd olduğu adamları təyin etmək niyyətindədir. Nikol Paşinyan da buna qarşıdır. O,  Arayik Arutyunyan vasitəsilə Ruben Vardanyanla  razılaşmayacaq şəxsləri "nazir" vəzifələrinə təyin etməyə məcbur etməyə çalışır. 

Nikol Paşinyan qondarma qurumun "DİN", təhlükəsizli və "müdafiə nazirini" dəyişmək istəyir. Təbii ki, Paşinyan bölgədə mühüm postları tutan şəxslərə güvənmir, ona görə də Kamo Ağacanyanı Araikin müşaviri təyin etmək istəyir. Qondarma qurumun təhlükəsizlik şurasının keçmiş katibi Samvel Babayan bu vəzifələrə gətirilir və "daxili işlər naziri"ni istənilən polkovniklə əvəz edirlər. Prinsipcə, Paşinyan aydın başa düşür ki, Ruben Vardanyanın "dövlət naziri" təyin edilməsi onun vəzifəsinə ciddi zərbədir. Vardaynaya Rusiyanın və Qarabağın erməni icmasının dəstəyi isə onun üçün başağrısına çevrilə bilər. Bu səbbədən də qəti və həlledici hücuma keçib.

Azər Nuriyev
Milli.Az