İdman

Azərbaycanlı pilot Bolqarıstanda açıq çempionatın qalibi olub - FOTO

29 Sentyabr 2014 18:06
0 Şərh     Baxış: 1 009
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

16 yaşlı azərbaycanlı pilot Gülhüseyn Abdullayev Bolqarıstanın Burqas şəhərində keçirilən "V1 Challenge Bulgaria" açıq çempionatının qalibi olub. Bu barədə Trend-ə Azərbaycan Avtomobil Federasiyasının mətbuat xidmətindən məlumat verilib.
 

Yeniyetmə pilotun çempionatda iştirakı federasiyanın dəstəyi ilə baş tutub.

Yarışlarda Azərbaycan, Bolqarıstan və Türkiyədən olan pilotlar iştirak ediblər. G.Abdullayev çempionatın ən gənc iştirakçısı olub.
 

O, oktyabrın 11-də "Bakl Kristal Zalı"nda Azərbaycan Avtomobil Federasiyasının təşkilatçılığı ilə keçiriləcək "V1 Challenge Azerbaijan" yarışlarında iştirak edəcək. "V1 Challenge Azerbaijan" yarışlarında Azərbaycan və digər ölkələrdən 10-dan artıq pilot iştirak edəcək. Təqdimat şousunun gedişində peşəkar pilotlar tamaşaçılara yaddaqalan manevrlər nümayiş etdirəcək və birincilik uğrunda mübarizə aparacaqlar. Bakıda şou başlananadək məşhur siyasi və mədəniyyət xadimlərinin iştirakı ilə yarışlarda iştirak edəcək avtomobillərin paradı keçiriləcək.
 

Yarışlar ərəfəsindəki məşqlərə avqustun 25-dən başlanıb. Məşqlər zamanı pilotlar və hakimlər üçün nəzəri və praktiki məşğələlər təşkil olunub.

"V1 Challenge Azerbaijan"in təqdimat şousunda məşhur "Voca People" qrupu da iştirak edəcək.
 

Xatırladaq ki, 2013-cü ildə Azərbaycan və Türkiyə çempionu G.Abdullayev gənclər və böyüklər arasında kartinq üzrə yarışlarda ikinci, 2013-cü ildə Türkiyədə keçirilən yeddi yarışın yekunları üzrə isə komanda birinciliyində birinci yeri tutub. 2013-cü ilin noyabrında Nyu Orleanda (ABŞ) keçirilən "Rotax Max Challenge Grand Finals" kartinq üzrə dünya çempionatında çıxış edib və avtomobil idmanı üzrə belə nüfuzlu beynəlxalq birincilikdə ilk dəfə Azərbaycan bayrağını yüksəldib.

Milli.Az


Böyütmək üçün şəkillərə klikləyin.


Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.