Siyasət

Şəhid əsgərimiz dəfn edildi - YENİLƏNİB - FOTO - VİDEO

15 Dekabr 2015 18:34

74 Şərh Baxış: 9 221

#DAĞLIQ QARABAĞ

14:22

Dekabrın 14-də şəhid olan Azərbaycan Silahlı Qüvvələrinin hərbi qulluqçusu, 1997-ci il təvəllüdlü əsgər Nihad İltifat oğlu Rəhimli doğulduğu Hacıqabul rayonunda dəfn edilib.

APA-nın məlumatına görə, Səfərbərlik və Hərbi Xidmətə Çağırış üzrə Dövlət Xidmətinin Şirvan şəhər Şöbəsi tərəfindən hərbi xidmətə çağırılmış N. Rəhimli snayper gülləsinə tuş gəlib.

Dəfn mərasimində Müdafiə Nazirliyinin yüksək rütbəli zabitləri, şəhidin xidmət etdiyi hərbi hissənin komandir və əsgər heyəti, Şirvan şəhər və Hacıqabul rayon icra hakimiyyəti başçıları, şəhidin yaxınları, vətəndaşlar iştirak edib.

-----------

09:32

Milli.Az Müdafiə Nazirliyinə istinadən bildirir ki, dekabrın 14-də qoşunların təmas xəttində düşmənlə döyüş toqquşmasında Silahlı Qüvvələrimizin hərbi qulluqçusu əsgər Rəhimli Nihad İltifat oğlu həlak olub.
Müdafiə Nazirliyinin rəhbərliyi şəhidin yaxınlarına, əzizlərinə dərin hüznlə baş sağlığı verir və səbr diləyir!
Müdafiə Nazirliyi bildirir ki, qoşunların təmas xəttində vəziyyətin gərginləşdirilməsinə görə məsuliyyət bütünlüklə Ermənistanın cinayətkar hərbi-siyasi rəhbərliyinin üzərinə düşür.

Milli.Az

-------------

18:34

Videonu izləmək üçün şəklə klikləyin.