Şou-biznes

"Yoxa çıxan" Afaq Aslandan təəccübləndirən addım - (Video)

2 Sentyabr 2026 17:00
Baxış: 3 159
VTB-də minimal faiz dərəcəsi ilə nağd kredit 9.9%-dən
#ŞOU-BİZNES #VİDEO #MÜĞƏNNİ

Uzun illərdi Dubayda yaşayan tanınmış ifaçı Afaq Aslan yeni beynəlxalq layihəsi ilə ərəb auditoriyasına üz tutur. 

Milli.Az xəbər verir ki, ifaçı Azərbaycanın ən sevilən xalq mahnılarından biri olan "Sarı Gəlin"i Azərbaycan və ərəb dillərində təqdim edib. 

Layihənin əsas məqsədi Azərbaycan musiqisini və milli-mədəni irsini ərəbdilli ölkələrdə daha geniş tanıtmaq, "Sarı Gəlin"i azərbaycanlı ifaçının təqdimatında yeni auditoriyaya çatdırmaqdır.

Afaq Aslan bildirir ki, "Sarı Gəlin" mahnısı ermənilər tərəfindən dəfələrlə mənimsənilərək öz milli irsləri kimi təqdim olunub. İfaçı isə bu layihə vasitəsilə mahnının Azərbaycan musiqi mədəniyyətindəki yerini ərəb dünyasına tanıtmağı qarşısına məqsəd qoyub: 

"İstəyirəm ki, milyonlarla ərəbdilli dinləyici bu mahnını dinləyərkən Azərbaycanı və onun zəngin musiqi mədəniyyətini hiss etsin. Mənim üçün bu, sadəcə bir ifa deyil, milli musiqimizi daha geniş auditoriyaya tanıtmaq fürsətidir". 

Afaq Aslan son zamanlar Dubayda da diqqət çəkən simalara çevrilib. İfaçının TikTok platformasında ərəbdilli istifadəçilər arasında paylaşımları yüksək maraqla qarşılanır və o, reytinq sıralamalarında birincilik əldə edir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.