Kulinariya

Mətbəx sirləri: Kartoflu kıstıbıy

29 Oktyabr 2013 07:00

35 Şərh Baxış: 9 363

#KULİNARİYA

Milli.Az eda.ru-ya istinadən tatar mətbəxindən kartoflu kıstıbıyın hazırlanma qaydasını təqdim edir

Tərkibi (6 pay):

200 q düşbərə xəmiri
120 q kərə yağı
500 q kartof
duz
qara istiot

Kartofu təmizləyin, suda bişirin, duz, istiot vurub püre hazırlayın.

Xəmiri kündələyin. Balaca (əl boyda) yuxalar yayıb quru qızdırılmış tavada hər iki üzünü qızaranadək bişirin. Təxminən hər üzünü 1-2 dəqiqə. Çox qurutmayın. Bunun üçün bişəndən sonra üzərinə dəsmal da çəkə bilərsiniz ki, qatlayanda sınmasın.

Bişmiş yuxanın yarısına kartof püresi qoyun, digər yarısını üstünə qatlayın.
Üzərinə kərə yağı çəkib süfrəyə verin.

Nuş olsun!

Milli.Az

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ