Məhəbbət və nifrət, ehtiras və iztirab, sədaqət və xəyanət əhvalatını görmək üçün "Notre Dame de Paris"dən yaxşı mövzu ola bilməzdi. Yüzilliklərdir bu mövzuya maraq və mədəniyyət, incəsənət dilləri vasitəsilə saysız hesabsız müraciətlər var.
Dahi fransız yazıçısı Viktor Hüqonun "Paris Notr Dam kilsəsi" romanının motivləri əsasında qoyulan mədəniyyət və incəsənət nümunələrini nə göstərən, nə də görən usanır. Lakin nə kitab, nə film, nə də incəsənətin digər sahəsi müzilk qədər maraq kəsb etmir. Dünya praktikasında səhnələşdirilən müzıkllara hədsiz maraq bunu deməyə əsas verir. "Notre Dame de Paris" müzıklı dünyanın bir çox ölkələrində hazırlanıb. Azərbaycan da sözün yaxşı mənasında qonşudan geri qalmayaraq, gözəl qaraçı qızı Esmiralda və eybəcər kilsə zəngçalanı Kvazimodonun hekayətini yerli tamaşaçılarımıza göstərdi.
"Mədəniyyət paytaxtlarının dialoqu" layihəsi çrəçivəsində Azərbaycan, Litva və Polşa sənətçilərinin iştirakı ilə sözügedən müzıklı əsrəyə gətirildi. Mədəniyyət və Turizm Nazirliyi və Üns yaradıcılıq səhnəsinin birgə layihəsinin təqdimat məkanı olaraq H.Əliyev adına Sarayı seçildi.
15-ci əsrdə "Paris Notr Dam kilsəsi"ində baş verənləri göstərməyə çalışanlar - prodüsserlər Andrius Brokas, Egmontas Vjezkas, rejissor Raminas Marcinkus (Litva), xoreoqraf Paulina Andrzevska (Polşa), vokal üzrə məşqçi Rauf Babayev (Azərbaycan) oldu. Əfsanəvi hekayəti bizə görükdürənlər isə Nailə Zeynalova (Esmiralda), İlham Nəzərov (Kvazimodo), Elnur Hüseynov (Fev de Şatoper), Səbinə Babayeva (Flör de Lis), Viktoras Malinauskas (Klod Frollo), Jeranimas Milius (Klopen), Meskela Povilas (Qrenquar), cümlədən Polşa Balet Məktəbinin yetirmələri - Joana Ziemczyk, Katarzyna Varcik, Qdadys Patryk, Maslanka Grzegor, Paczuski Michal, Andrzejevska Anna, Paulina Mandrzajevska, Veronika Malicka oldu.
Tamaşaya gəlincə, əvvəla ondan başlayaq ki, Azərbaycan teatr aləmində indiyədək müzikl qoyulmamışdı. Bu baxımdan "Paris Notr Dam kilsəsi" müzikl ilk və hələ ki yeganədir. Tamaşanın litvalı rejissoru rejissor Ramunas Martsinkus, aktyorları Viktoras Malinauskas (Klod Frollo) və Kestutis Alciauskis, Feb rolunun digər ifaçısı) eyniadlı müzıklda hələ 2007-ci ildə yer alıblar. Yenə də üç ölkə - Litva, Latviya və Böyük Britaniya arasındakı ortaq layihə əsasında. Və hətta virtual mətbuatın yazdıqlarına inansaq, bu müzıkl böyük ajiotaja səbəb olub. Görünür, litvalı reijssorun Azərbaycana dəvət olunmasının da səbəbi həmin əks-sədanın nəticəsidir. Yerli sənətçilərimiz, konkret olaraq Nailə Zeynalova, İlham Nəzərov, Səbinə Babayeva və Elnur Hüseynovun yaradıcılığında isə müzıkl yenidir - məhz aktyorluq məharətinin nümayişi baxımından.
Hər bir gəncin səs, vokal imkanları ilə litvalı peşəkarları belə üstələməklərinə rəğmən aktyor ifalarında müəyyən naşılıqlar hiss olunurdu. Özəlliklə əsas qəhrəman Nailə Zeynalovada. Əsərdə, eləcə də müziklda bütün hadisələrin mərkəz nöqtəsi məhz Esmiraldadır. Hər bir hərəkət məhz onun ətrafında cərəyan edir. Bu baxımdan ondan hər kəsdən daha güclü oyun gözləmək həm quruluş müəllifi, həm də seyrçilərin təbii haqqıdır. Lakin bütün gücünü səsinə, fikrini səhnədən necə görünməsinə yönəldən N.Zeynalovada Esmiralda obrazının nə duyumu, nə də yaşantısı yox idi. Va olan ancaq gözəl SƏS və səsi müşayət edən kölgə təsiri bağışlayan bir varlıq vardı.
Ümümilikdə tamaşanın baxımlı və təsirli edən musiqilər və səhnə effektləri idi. Özəlliklə, keşiş Frollonun Kvazmodonu necə böyütməsi, onun uşaqlığı və Esmiraldanın edam səhnəsindəki finalın fondakı kölgələr vasitəsilə təsviri, hadisələrin daha da təsirli olmasına və tamaşanı fərqli ovqata kökləyirdi.
Sevda Babayeva
Milli.Az
--------------------------------------------------------------------------------
--------------------------------------------------------------------------------
--------------------------------------------------------------------------------
--------------------------------------------------------------------------------
--------------------------------------------------------------------------------
--------------------------------------------------------------------------------
--------------------------------------------------------------------------------
--------------------------------------------------------------------------------
Foto və video Milli.Az
Mədəniyyət
Bakıda məhəbbət və iztirablı müzikl - VİDEO-FOTOSESSİYA
19 İyun 2010 13:10
Baxış: 1 069
DİGƏR XƏBƏRLƏR
- Filarmoniyanın aprel ayında keçirilən abonement konsertləri - FOTO
- Simfonik rok-hitləri şam işığında. Mystery Ensemble
- AFW ekoloji təmiz modaya dəstək olaraq müsabiqə keçirir
- Q.Qarayev adına Azərbaycan Dövlət Kamera Orkestrinin konserti keçirilib - FOTO
- Ümummilli Lider Heydər Əliyevin 101 illiyinə həsr olunmuş konsert keçirilib - VİDEO - FOTO
- CineMastercard kinoteatrında “Cadı” filminin Qala gecəsi keçirildi - VİDEO - FOTO
XƏBƏR LENTİ
- Səbuhi Səfiyarlı: “Qəbələ”nin dağılmasını ağlımıza belə gətirmirik” - VİDEO - FOTO
- Putin Qarabağa göndərdiyi generalı təltif etdi
- Turşsu qəsəbəsinə köçün vaxtı açıqlandı
- Mayın 15-nin ən xoşbəxt BÜRCÜ: Sizə nələr vəd edir?
- Samir Nuriyev İqor Petrişenko ilə görüşdü - FOTO
- Bakının məşhur hotelində 12 milyon manata mənzil satılır
- Çingiz Mustafayev evlənir - FOTOlar
- Qvardiolanın bu hərəkəti gündəm oldu - VİDEO
- Paytaxtda sürücü atı maşının arxasına bağlayıb yol boyu apardı - VİDEO
- Azərbaycan vətəndaşları daha bir ölkəyə vizasız gedə bilərlər - FOTO
- Sülhməramlılar üzərilərinə düşən tapşırıq və vəzifələri yerinə yetirdi - Kərim Vəliyev
- Bölgəmiz seçim qarşısında: Kənar güclər çox fəallaşıb
- Lisey və gimnaziyalara qəbul bu tarixdən başlanır
- AFFA bu klublara lisenziya verdi
- Filarmoniyanın aprel ayında keçirilən abonement konsertləri - FOTO
- “Cənubi Qafqazda Paris - qoyun dərisinə bürünmüş canavardır”
- KOB-lar “Caspian Agro” və “İnterFood Azerbaijan” sərgilərində məhsul və xidmətlərini təqdim edir - FOTO
- Əli Mirəliyevin efirdə bu hərəkəti aparıcı Mətanəti ƏSƏBİLƏŞDİRDİ - VİDEO
- Azərbaycanın ən güclüləri - ADLAR
- Məşhur restoranın fəaliyyəti DAYANDIRILDI - VİDEO
- Türkanın işçilərinə JESTİ: kotlet-çörək... - VİDEO
- İşçi pozulmuş hüquqlarının bərpası üçün hara müraciət etməlidir?
- Tağı Əhmədova qarşı 2 milyon manat dələduzluq edən şəxs yenidən hakim qarşısında
- “Rövşən öpür, mən öpürəm... ”