Aprelin 17-də Azərbaycan arfa ifaçılığı məktəbinin yaradıcısı, Əməkdar Artist, Üzeyir Hacıbəyli adına Bakı Musiqi Akademiyasının (BMA) professoru Aida Abdullayevanın 90 illiyi tanınmış mədəniyyət və incəsənət xadimlərinin, mərhum musiqiçinin həmkarları və tələbələrinin iştirakı ilə qeyd olunub. AzərTAc xəbər verir ki, Bakı Caz Mərkəzində keçirilən tədbirdə mədəniyyət və turizm naziri Əbülfəs Qarayev, Ailə, Qadın və Uşaq Problemləri üzrə Dövlət Komitəsinin sədri Hicran Hüseynova, BMA-nın rektoru, Xalq Artisti Fərhad Bədəlbəyli, əməkdar incəsənət xadimləri Aida Tağızadə, Nəzmiyyə Abbaszadə və başqaları çıxış edərək A.Abdullayevanın mənalı ömür yolundan və zəngin yaradıcılığından, pedaqoji fəaliyyətindən danışıb, onunla bağlı xatirələrini bölüşüblər.
Bildirilib ki, 1922-ci il aprelin 13-də Bakı şəhərində anadan olmuş A. Abdullayeva çətinliklərlə dolu bir həyat yolu keçib. Ömrünü Azərbaycanda professional arfa sənətinin inkişafına həsr etmiş A.Abdullayeva musiqi mədəniyyətimizin tərəqqisində mühüm rol oynayıb. Onun fəaliyyəti sayəsində arfa Azərbaycan musiqi mədəniyyətində geniş yayılıb, tədris müəssisələrində ixtisas fənləri sırasına daxil edilib, istedadlı bəstəkarlarımızın marağına səbəb olub. O, bütöv bir milli arfa məktəbi yaradıb. Tanınmış musiqiçi BMA-da 50-dən artıq peşəkar mütəxəssis yetişdirib. Onun yetirmələri hazırda ölkəmizin hüdudlarından kənarda öz müəllimlərinin ənənələrini layiqincə davam etdirirlər.
Qeyd olunub ki, P.Çaykovski adına Moskva Dövlət Konservatoriyasının professoru Kseniya Erdelinin yetirməsi olan A.Abdullayeva musiqi sənətində öz yolunu tapa bilib. O, geniş pedaqoji və ifaçılıq fəaliyyəti ilə yeni səhifə açıb, arfa ixtisası üzrə təhsilin bütün mərhələləri üçün proqram və dərsliklər üzərində işləyib, Azərbaycan bəstəkarlarının əsərlərinin bu musiqi aləti üçün köçürmə və transkripsiyalarını yaradıb.
Diqqətə çatdırılıb ki, dəhşətli repressiya dalğası ondan da yan keçməyib. Ailəsi ilə birlikdə 1942-ci ilin payızında Qazaxıstana sürgün edilib. Lakin dahi bəstəkarımız Ü.Hacıbəylinin köməyi ilə Bakıya qayıdan A.Abdullayeva həyata inamını itirməyib, ömrünü musiqi sənətinə həsr edib.
Vurğulanıb ki, çöhrəsindəki xeyirxah təbəssümü, cəzbedici məlahəti, zövqlə seçilmiş geyimi ilə hamını heyran edən, dövrünün kübar qadınlığının rəmzi olan A.Abdullayeva onu tanıyanların, tələbə və həmkarlarının xatirində öz sənətinin vurğunu, iradəli xanım kimi yaşayır.
Tədbirdə Azərbaycan bəstəkarlarının arfa üçün əsərləri ifa edilib. Həmçinin Azərbaycan musiqi mədəniyyətinin formalaşmasına əvəzsiz töhfələr vermiş A.Abdullayevanın həyat və fəaliyyəti ilə bağlı videoçarx nümayiş etdirilib.
Milli.Az
Mədəniyyət
Azərbaycan arfa ifaçılığı məktəbinin banisi Aida Abdullayeva xatirələrdə
17 Aprel 2012 18:04
Baxış: 2 459
DİGƏR XƏBƏRLƏR
- AFW ekoloji təmiz modaya dəstək olaraq müsabiqə keçirdi - FOTO
- Azərbaycanda iki teatra yeni status verildi
- Bakıda “Azərbaycan milli mətbəxi” adlı rəsm sərgisi keçiriləcək
- AFW çərçivəsində dizaynerlər milli dəyərlərini təqdim edəcək
- Cahangir Cahangirov adına Xorun “Ver sözə ehya” adlı konsert proqramı keçirildi - FOTO
- İkinci Bakı Müasir Musiqi Günləri keçiriləcək – FOTO
XƏBƏR LENTİ
- Ramil Şeydayevin Superliqa arzusuna son
- Kiyevin vəziyyəti masaya oturacaq qədər pis deyil - NATO
- Qəbizliyi dərhal aradan qaldıran tərəvəz
- Razi Əliyeva işində son şahidlər dindirildi
- Şoyqunu Putin və Szinpinin görüşünə buraxmaq istəmədilər
- Yapon milyarder “Facebook”u məhkəməyə verdi: Təzminat tələb edir
- Yerkökü xərçəng riskini azalda bilər
- 53 yaşlı model açıq-saçıq geyimi ilə heyran qoydu - FOTO
- Kolon xərçənginə səbəb olan iki əsas amil
- Castinin arvadından hamiləlik FOTOları
- Tatoyan təsdiqlədi: Ermənistana “keçən” 25 hektar ərazi…
- Tiflisdə yenidən etiraz aksiyası keçirilir
- "Qorxma, mən səninləyəm"in qəhrəmanları bir arada - FOTO
- Günün qoroskopu: Uzun söhbətlərə baş qoşmayın
- Avstriya daxili işlər naziri çıxışında səhv etdi: Onları güllələmək lazımdır!
- Labrador itlərində allergiya növləri və qarşısının alınması
- "Anadolu Ankası – 2024" təliminin "Yüksək Səviyyəli Müşahidəçi Günü" keçirilib - VİDEO - FOTOlar
- Bakıdakı bu yaşayış binaları SÖKÜLƏCƏK - Artıq hər şey hazır: Ünvandan görüntülər - FOTO
- Məşhur serialın ikinci mövsümü bu tarixdə yayımlanacaq
- Ukrayna Xarkovu itirə bilər? – Zelenski çağırış etdi
- İlon Mask: “ABŞ-nin siyasəti İran, Çin və KXDR-i Rusiya ətrafında birləşdirir”
- Ərdoğan Kobaxidze ilə PKK və FETÖ-nü müzakirə etdi
- Dünyanın ən çox qazanan 10 idmançısı - “Forbes”in versiyası
- Prezident: Belarus şirkətlərini azad olunmuş ərazilərin bərpası prosesinə fəal qoşulmağa dəvət edirik - TAM MƏTN