Ölkə

Yük maşını yola beton tökə-tökə gedir - Bakıda - VİDEO

18 Aprel 2017 10:59

1 Şərh Baxış: 1 600

VTB-də minimal faiz dərəcəsi ilə nağd kredit 9.9%-dən

#HADİSƏ #CƏMİYYƏT #YOL #VİDEO

Bakıda betonqarışdıran yük avtomobilinin yola vurduğu ziyan kameraya düşüb.

Milli.Az xəbər verir ki, oxuculardan birinin avtosfer.az-a göndərdiyi videodan aydın olur ki, 99 JD 225 dövlət nömrə nişanlı betonqarışdıran yük avtomobili Tbilisi prospektindəki dairədə hərəkətdə olarkən yola beton tökülür. Avtomobil Həsən Əliyev küçəsinə daxil olduqda yenə də yola beton tökülür və sürücü maşını saxlayaraq kranı bağlayır. Lakin yola tökdüyü palçığın təmizlənməsi üçün tədbir görmək əvəzinə sürüb gedir. Bununla da o, yükdaşıma qaydalarını pozur və yola ziyan vurduğuna görə də cərimə oluna bilər.

Qeyd edək ki, Bakıda belə hallar tez-tez baş verir. Əsasən də, səhər saatlarında yola çıxan sürücülər gecədən yollara beton qarışığının tökülməsinin şahidi olurlar. Belə hallar, əsasən, döngələrdə də dairəvi hərəkət təşkil olunan yerlərdə də baş verir. Bu, o deməkdir ki, həmin yük avtomobillərinin sürücüləri döngədə və dairədə sərt manevr edir, normal sürət həddi seçmir və nəticədə palçıq yola dağılır.

Onu da deyək ki, belə hallarla üzləşən sürücülə son dərəcə ehtiyatlı olmalıdır. Çünki palçıq təzə olanda onun üzərinə çıxan avtomobil sürüşə bilər. Bu da qəzaya səbəb olar. Odur ki, belə hallarla rastlaşdıqda dərhal DYP-nin 902 xidmətinə zəng edib məlumat verin ki, qısa zamanda beton-palçığın oradan təmizlənməsi mümkün olsun. Qalıb quruduqda həmin palçıq asfalta ziyan vurur.

Milli.Az

Digər maraqlı xəbərlər Milli.Az-ın Facebook səhifəsində

Videonu izləmək üçün şəklə klikləyin: