Şou-biznes

"Adımdan yalan danışıb, camaatı üstümə qaldırmayın"

18 İyul 2026 08:08

Baxış: 256

VTB-də minimal faiz dərəcəsi ilə nağd kredit 9.9%-dən

#AKTYOR

Aktyor Müşviq Şahverdiyev yumor ustalarının toy aparıcılığı ilə bağlı fikirlərini bölüşüb.

Milli.Az xəbər verir ki, sənətçi bu barədə "Zarafat bir yana" verilişində danışıb. O, adından yayılan "toy aparan aktyorun səviyyəsi düşür" fikrinə də münasibət bildirib:

"Mənim adımdan yalan danışmayın, camaatı üstümə qaldırmayın. Mən demişəm ki, aktyora toy aparmaq yaraşmır, amma heç vaxt "səviyyəsizdir" deməmişəm".

Aktyor qeyd edib ki, yumor sənətçilərinin toy məclislərində öz səhnə obrazlarını təkrarlaması düzgün deyil:

"Efirdə tamada, molla obrazı yaratmışam. Toyda biri gəlib deyəcək ki, burada da o tamadanı göstər. Mən camaatın toyunda onu necə edim? Deyəcəklər ağzına gələni danışır. Molla obrazını da toyda necə canlandırım? Ona görə düşünürəm ki, yumor aktyoru toy aparmasa, daha yaxşı olar. Toy aparmaq pis deyil, yaxşı gəlir gətirən işdir. Aparıcılar bu işi daha yaxşı bacarırlar. Elə aparıcı var ki, veriliş apara bilmir, amma toyda möhtəşəm idarəçilik edir".

M.Şahverdiyev əlavə edib ki, aktyorun əsas yeri səhnədir:

"Aktyor səhnədə olmalıdır. Səhnədə gözəl obraz yaradan birini toyda "bəh-bəh, vəh-vəh" deyən görmək istəmirəm. Özüm də toy aparmıram". (Axşam.az)

Müəllif: Ülkər Vəliyeva (Milli.Az redaktor)