Dünya

Yaponiyada koronavirusun delta ştamı özü-özünü ləğv edib

22 Noyabr 2021 22:04
0 Şərh     Baxış: 733
VTB-də minimal faiz dərəcəsi ilə nağd kredit 9.9%-dən

Yaponiyanın mərkəzi hissəsində yerləşən Niiqata Universitetinin tədqiqatçıları koronavirusun delta ştamının özü-özünü ləğvetmə nəticəsində ölkədə aradan qalxması barədə fərziyyə irəli sürüblər.

Milli.Az AZƏRTAC-a istinadən bildirir ki, bu barədə noyabrın 22-də "Sankei Shimbun" qəzeti məlumat yayıb. Yapon alimlərin irəli sürdüyü nəzəriyyəyə görə, ştamın genlərində həddindən artıq mutasiya toplanması aparıcı nsp14 hüceyrəsinin işində dəyişiklikliyə səbəb olub. Hüceyrənin funksiyalarının pozulması ştamın çoxalma prosesini sıradan çıxarıb və onun özünün ləğvinə səbəb olub.

Xatırladaq ki, cari il iyulun sonu avqustun əvvəllərində Tokioda Olimpiya Oyunları keçirilərkən Yaponiyada virusun geniş yayılması qeydə alınıb. Ölkədə gündəlik yoluxma sayında ardıcıl şəkildə antirekordlar qeydə alınıb. Lakin sentyabrdan başlayaraq Yaponiyada vəziyyət sabitləşib. Hazırda ölkədə infeksiyanın yayılmasında ciddi azalma müşahidə edilir. Noyabrın 21-də ölkə üzrə cəmi 143 yeni yoluxma halı qeydə alınıb. Bu, avqustun sonunda virusun yayılmasının pik həddi ilə müqayisədə cəmi 1 faiz təşkil edir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.