Dünya

Trabzonda qurban kəsimi: bələdiyyə başqanı da daxil olmaqla 127 nəfər yaralandı

20 İyul 2021 22:43
0 Şərh     Baxış: 1 540

Türkiyənin Trabzon şəhərində bu gün iyulun 20-də Qurban bayramı münasibətilə qurbanlıq heyvanların kəsimi zamanı aralarında bələdiyyə başqanı da olmaqla 127 nəfər yaralanıb.

Milli.Az virtualaz.org-a istinadən bildirir ki, yaralananlar hamısı qurbanlıq heyvanları özləri kəsmək istəyənlərdir, yəni naşı qəssablardır. Onlar müxtəlif xəsarətlər alıblar və xəstəxanalara müraciət ediblər.

Trabzonun Körpübaşı bələdiyyə başqanı Ali Aydın da qurban kəsərkən yaralanıb. Qolundan yaralanan Aydın rayon xəstəxanasına aparılıb, yarası sarındıqdan sonra evə buraxılıb.

Qurban kəsərkən yaralananlardan biri Selahettin Gardaş bildirib ki, onun biləyini dostu kəsib: "Qurbanımızı kəsmək üçün səhər saatlarında hazırlıq gördük. Qurbanlığı tuturdum, dostum kəsrdi. Bu sırada heyvan qaçmağa çalışdı, dostum mənim əlimi kəsdi. Gips qoydular, damarlarım zədələnibmiş. Diqqətsizlikdən oldu. Xəstəxanaya müraciət etdim, eşitdim yaralananlar çox olub".

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.