Dünya

Hindistanda leysan 33 nəfərin ölümünə səbəb oldu

19 İyul 2021 15:48
Baxış: 258

Hindistanın Maharaştra əyalətinin paytaxtı Mumbauy şəhərinə yağan sel yağışları nəticəsində ölənlərin sayı 33 nəfərə çatıb, 6 nəfər yaralanıb.

Milli.Az APA-ya istinadən bildirir ki, bu barədə "Times of India" qəzeti yazır.

Bundan əvvəl torpaq sürüşməsi nəticəsində 25 nəfərin öldüyü bildirilmişdi.

Qəzetin yazdığına görə, insanların ölümünə iki sürüşmə və binanın çökməsi səbəb olub, üç nəfər elektrik cərəyanının vurması nəticəsində ölüb.

Hindistan Meteoroloji Bürosu Mumbayda yağan güclü yağışlarla bağlı "Qırmızı" dərəcəli həyəcan xəbərdarlığı edib. Yağan leysan yağışları səbəbindən şəhər sakinlərinin elektrik enerjisi və su təchizatında fasilələrlə üzləşdikləri qeyd olunur.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.