Dünya

İranda prezident seçkilərinin ilkin nəticələri bəlli oldu - Qalib kimdir?

19 İyun 2021 11:07
Baxış: 1 649

13-cü çağırış İran prezident seçkilərində ilkin nəticələrə əsasən İbrahim Rəisi 17,8 milyon səs toplayıb.

Bunu İranın Seçki Komissiyasının sədri Camal Orf deyib. Bu barədə Trend İran KIV-lərinə istinadən məlumat verib.

C.Orfun sözlərinə görə, prezidentliyə digər namizəd Möhsün Rzayi 3,3 milyon səs toplayıb.

Orf əlavə edib ki, Əbdülnasir Hemməti 2,4 milyon səs və Əmir Hüseyn Qazizadə Haşemi 1 milyon səs toplayıb.

İranlı rəsmi istifadə olunan bülletenlərin sayına əsasən 28,6 milyon nəfərin səsvermədə iştirak etdiyini deyib.

Qeyd edək ki, ötən gün (18 iyun) İranda 13-cü çağırış prezident seçkiləri keçirilib. Seçkilərdə prezidentlik uğrunda 4 namizəd - İranın Məsləhət Şurasının katibi Möhsün Rzayi, İranın Məhkəmə Sisteminin sədri İbrahim Rəisi, İran parlamentinin sədr müavini Əmir Hüseyn Qazizadə Haşemi və İranın Mərkəzi Bankının sabiq baş direktoru Əbdülnasir Hemməti rəqabət aparıb. 13-cü çağırış prezident seçkilərində 59,3 milyon seçicinin səsvermə hüququ var.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.