Dünya

Knesset 36-cı hökuməti təsdiqlədi - FOTO

13 İyun 2021 23:32
Baxış: 375

Knesset (İsrail parlamenti - Red) "Yamin" partiyasının sədri Naftali Bennett və "Yeş Atid" partiyasının rəhbəri Yair Lapid tərəfindən formalaşdırılan İsrailin 36-ci koalisiya hökumətini təsdiqləyib.

Milli.Az "Report"a istinadən bildirir ki, yeni hökumətə 120 deputatdan 60-ı dəstəyini ifadə edib.

Belə ki, 60 Knesset üzvü yeni hökümətin qurulmasına tərəfdar olsa da, 59 deputat buna qarşı çıxıb, bir deputat isə bitərəf qalmağı seçib. Nəticədə 36-cı hökumətin yaradılması məsələsi bir səs fərqi ilə parlamentdən keçib.

Bununla da İsraildə 12 il ərzində ilk dəfə Binyamin Netanyahunun "Likud" partiyasının iştirakı olmadan koalisyon hökumət formalaşdırıldı.

Qeyd edək ki, Kenssetin bu gün keçirilən iclasında 120 deputatın 67-si Miki Levini parlamentin yeni spikeri seçib. Bundan başqa "Yamin" partiyasının sədri Naftali Bennett də Baş nazir kimi and içib.

"Yamin"in sədri Naftali Bennett baş nazir, "Yeş Atid"in rəhbəri Yair Lapid isə alternativ baş nazir olacaq. Təxminən iki il ərzində əvəzetmə aparılacaq, bundan sonra "Yeş Atid"in rəhbəri Yair Lapid baş nazir, "Yamin"in sədri Naftali Bennett alternativ baş nazir olacaq.

Milli.Az

Məqaləyə dair fotomateriallar:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.