Dünya

Jirinovski Vəkili öldürən rus polisi dəstəklədi

11 İyun 2021 03:00
Baxış: 1 408

Rusiya Liberal Demokrat Partiyasının sədri Vladimir Jirinovsk 19 yaşlı azərbaycanlı Vəkil Abdullayevi qətlə yetirən polisi dəstəkləyib.

Milli.Az qafqazinfo-ya istinadən xəbər verir ki, Jirinovski hadisəni şərh edərkən insidentə reaksiya göstərən azərbaycanlı deputatları tənqid edib.

"Novosibirsk vilayətində polis yol hərəkət qaydasını pozan şəxsi saxlayarkən təsadüfən atəş açıb. Azərbaycan parlamentinin deputatları hansısa etiraz nümayiş etdirirlər. Sizə nə dəxli var? Əgər Azərbaycanlılar üçün burada nəsə qaydasında deyilsə, evlərinə getsinlər",- deyə rusiyalı siyasətçi qeyd edib.

Xatırladaq ki, hadisə mayın 28-də baş verib. Hərəkətdə olan "Toyota" avtomobilini saxlayan yol polisi əməkdaşları maşındakı gəncləri polis bölməsinə aparmağa cəhd ediblər. Bu zaman polislərdən biri, baş leytenant Aleksandr Qusyev yoldaşını polislərin əlindən almağa çalışan 19 yaşlı Vəkil Abdullayevin başından güllə ilə vurub. V. Abdullayev xəstəxanaya yerləşdirilsə də, onun həyatını xilas etmək mümkün olmayıb.

İyunun 4-də Rusiya İstintaq Komitəsinin sədri Aleksandr Bastrıkin Aleksandr Qusevin həbsdən buraxılması barədə əmr imzalayıb.

Polisin azadlığa buraxılması Azərbaycandan olan millət vəkillərinin və ictimaiyyət nümayəndələrinin Rusiya Prezidentinə müraciət imzalamasına səbəb olmuşdu.

Milli.Az
  

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.