Dünya

Türkiyə hər zaman çətin anlarda Liviya xalqını dəstəkləyib - Çavuşoğlu

4 May 2021 07:15

Baxış: 902

VTB-də minimal faiz dərəcəsi ilə nağd kredit 9.9%-dən

#DÜNYADA

Türkiyə Liviyanın bütövlüyünün, suverenliyinin, müstəqilliyinin və siyasi birliyinin qorunmasını vacib sayır.

Milli.Az Trend-ə istinadən bildirir ki, bunu Türkiyənin xarici işlər naziri Mövlud Çavuşoğlu Liviyalı həmkarı Nəclə Manquş ilə Tripolidə keçirdiyi birgə mətbuat konfransında deyib.

Nazir deyib: "Biz Liviyanın bütövlüyünün, suverenliyinin, müstəqilliyinin və siyasi birliyinin qorunmasına böyük əhəmiyyət veririk".

M. Çavuşoğlu xatırladıb ki, Türkiyə hər zaman çətin anlarda Liviya xalqını və qanuni seçilmiş hökumətlərini dəstəkləyib.

Türk diplomatiyasının başçısı danışıqlar zamanı Türkiyə və Liviya xarici işlər nazirlərinin iqtisadi əməkdaşlıq, Liviya iqtisadiyyatına yatırımlar və ikitərəfli ticarət əlaqələri mövzusuna toxunduqlarını və ayrıca türk özəl sektorunun Liviyaya dönməsini müzakirə etdiklərini bildirib.

Milli.Az