Dünya

Kipr danışıqları uğursuz oldu - Yunanların ucbatından

30 Aprel 2021 15:54
Baxış: 352

Kipr problemi ilə bağlı BMT-nin bayrağı alıtnda keçirilən danışıqlar uğursuzluqla başa çatıb.

Milli.Az modern.az-a istinadən xəbər verir ki, Şimlai Kipr Türk Cümhuriyyətinin başçısı Ersin Tatar və yunan Kiprinin prezidenti Nikos Anastadisin arasında danışıqlar nəticə verməyib. Türkiyə tərəfi adanın yunan və türk icmaları arasında çoxillik münaqişəyə son qoymaq üçün adada iki müstəqil dövlətin yaradılmasını və icmaların hüquqlarının bərabərləşdirilməsini təklif edib.

Təklif yunan Kiprinin rəhbəri tərəfindən dərhal rədd edilib.

"Bu təklif bizə böyük məyusluq yaşatdı"- deyə Anastasiadis deyib. Yunan tərəfi Kiprin bir dövlət halında birləşməsini istəyir.

Xatırladaq ki, İsveçrənin Cenevrə şəhərində keçirilən 2 günlük danışıqlarda Böyük Britaniya, Yunanıstan və Türkiyə XİN başçıları da təminatçı ölkələr kimi iştirak edirlər.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.