Dünya

ABŞ-ın Corciya ştatında kütləvi vaksinasiya mərkəzləri bağlanır

28 Aprel 2021 21:10

Baxış: 698

VTB-də minimal faiz dərəcəsi ilə nağd kredit 10.49%-dən

#DÜNYADA #ABŞ #KORONAVİRUS

ABŞ-ın Corciya ştatında son iki həftə ərzində tələbatın nəzərəçarpacaq azalması səbəbindən mayın 21-dək doqquz dövlət kütləvi vaksinasiya mərkəzi bağlanacaq.

Milli.Az AZƏRTAC-a istinadən xəbər verir ki, bunu ştatın rəsmi şəxsləri bildiriblər.

"Bütün ştat ərazisində COVID-19 əleyhinə vaksinin çatdırılması və əlçatanlığı kəskin artdığı üçün sakinlər preparatı rahatlıqla yerli apteklərdə, ərzaq mağazalarında və ya həkim kabinetlərində əldə edə bilirlər", - deyə Corciya ştatının fövqəladə vəziyyətlər və milli təhlükəsizlik üzrə direktoru Kris Stollinqs bildirib.

Onun sözlərinə görə, Corciyada 3 milyon 500 mindən çox insan koronavirus əleyhinə vaksinin azı bir dozasını vurdurub ki, bu da əhalinin 34 faizinə bərabərdir. Ştatda tam vaksinasiyadan keçənlərin sayı isə 2 milyon 400 mini ötüb və ya əhalinin 23 faizini təşkil edir.

Qeyd edək ki, xəstəliklərə nəzarət və onların profilaktikası üzrə mərkəzlərin məlumatına əsasən, ABŞ-da əhalinin 42,5 faizi COVID-19 əleyhinə vaksinin ən az bir dozasını əldə edib. Eyni zamanda, amerikalıların 28,9 faizinin tam vaksinasiya olunduğu bildirilir.

Milli.Az