Dünya

Rusiya DİN pasportlardakı fotoşəkillər və qeydlərlə bağlı xəbərdarlıq edib

17 Aprel 2021 08:18

Baxış: 914

VTB-də minimal faiz dərəcəsi ilə nağd kredit 9.9%-dən

#RUSİYA

Pasportda fotoşəkili yaxşılaşdırmaq məqsədilə onun üzərində hər hansı bir redaktə və yaxud bədii işlənmə, habelə rəngli göz linzalarından istifadə qəbuledilməzdir.

Milli.Az APA-ya istinadən xəbər verir ki, bu barədə Rusiya Daxili İşlər Nazirliyinin əhaliyə ünvanlanmış müraciətində bildirilib.

Qeyd edilib ki, Rusiya Daxili İşlər Nazirliyi vətəndaşların daha dəqiq vizual identifikasiyasını təmin etmək üçün pasport fotoşəkillərinə bir sıra məhdudiyyətlər tətbiq edib.

"Vətəndaşın fotodakı təsvirində üzün bütün xüsusiyyətləri etibarlı şəkildə göstərməlidir. Fotoşəkillərin müəyyən edilmiş tələblərə uyğun gəlməməsi pasport və sənədlərin verilməsi, yaxud dəyişdirilməsi zamanı imtina üçün əsas rol oynayır", müraciətdə vurğulanıb.

Qeyd edilib ki, pasportun verilməsi və ya dəyişdirilməsi üçün ərizə verildiyi gün fərdi fotoşəkillərin eyni olması, ərizəçinin yaşına uyğun olması tələb edilir: "Foto qara-ağ və ya rəngli ola bilər. Fotoşəklin ölçüsü baş geyimsiz üzün təsviri ilə 35 x 45 mm olmalıdır. Foto baş örtüyü olmadan çəkilməlidir. Yalnız dini inanclarla bağlı istisna ola bilər. Daim eynək taxan insanlar rəngsiz eynək taxmalı, eynəyin çərçivəsi gözlərini örtməməlidir.

Hansısa uniformada fotoşəkil çəkdirməyə icazə verilmir. Və yaxud istifadə edilən şərf çənənin bir hissəsini əhatə edə bilməz".

Daxili İşlər Nazirliyi bir daha xəbərdarlıq edib ki, müvafiq tələblər pozulduqda məsələn, vətəndaş dövlət sərhədini keçərkən geri qaytarılacaq.

Milli.Az