Dünya

Georgi Baramidze həbs olundu

12 Sentyabr 2026 18:06
Baxış: 180
VTB-də minimal faiz dərəcəsi ilə nağd kredit 9.9%-dən

Gürcüstanda vətənə xəyanət və sabotajda ittiham olunan müxalif Vahid Milli Hərəkat Partiyasının liderlərindən biri Georgi Baramidze barəsində iki ay müddətinə həbs qətimkan tədbiri seçilib.

Milli.Az xəbər verir ki, Tiflis Şəhər Məhkəməsi Gürcüstanın Baş Prokurorluğunun vəsatəti əsasında qərar qəbul edib.

Qeyd edək ki, Georgi Baramidze ötən gün evində saxlanılıb. Günahının sübuta yetiriləcəyi təqdirdə onu 4 ilədək azadlıqdan məhrumetmə cəzası gözləyir.

Xatırladaq ki, G.Baramidze Mixail Saakaşvilinin prezidentliyi dövründə tanınmış siyasətçilərdən olub. O, 2003-2004-cü illərdə daxili işlər, 2004-cü ildə isə müdafiə naziri vəzifələrində çalışıb. Daha sonra o, Avropa və avrointeqrasiya məsələləri üzrə dövlət naziri, 2006-2012-ci illərdə isə Gürcüstan baş nazirinin müavini postlarını tutub. "Gürcü Arzusu" partiyasının hakimiyyətə gəlməsindən sonra siyasi fəaliyyətini müxalifətdə davam etdirib, 2012-2016-cı illərdə Gürcüstan parlamentinin deputatı olub.

Müəllif: Malik Məlikov (Milli.Az redaktor)

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.